千嬅一身白色tube top連身裙造型，為新車發佈會做表演嘉賓。
楊千嬅、趙式芝與伴侶楊如芯、Rosemary及未婚夫Jason等前晚現身灣仔會展的寶馬新車發佈活動，而活動的大會公關是丁子高，實行夫妻檔搵銀。身穿白色tube top的千嬅做大會表演嘉賓，接受訪問時識做大講車經，更踢爆老公趁她去了做巡迴個唱買新車：「佢喺幫新車影宣傳廣告，佢打嚟話買咗新車，我仲問佢去做嘢，點解買新車？」
丁子高為活動公關，未有與千嬅合照。
丁生叫千嬅補鐘
千嬅自言成為母親後做乘客居多：「我以前手車好辣，不過有咗小朋友後，就通常坐後面陪囝囝，少咗揸車。試過想親子，同囝囝講，聽朝媽咪車你返學，不過丁生細細聲話：『你補吓鐘先啦。』千嬅爆丁生對她的駕駛技術潑冷水，她曾在停車場整花老公座駕，亦笑言二人拍拖時曾甜蜜一齊洗車：「我攞住海綿喺度省，仲打圈喺度捽，好似打蠟咁，但省省吓覺得有啲唔對路，原來用咗百潔布嗰邊喺度省車，省到架車花咗，當時佢埋嚟睇，先知我用百潔布省車，起勢鬧我，本來係一件好甜蜜嘅事，變咗省花咗架車。」
此外，同場的Rosemary再透露婚禮約下月初印度舉行，但因未婚夫低調而未有確實公佈日子，她笑言緊張，而好友貝安琪會為她搞單身派對。而Rosemary之前提過會去馬爾代夫度蜜月，就算近日馬爾代夫政局動盪，她依然按照計劃度蜜月。
採訪：馬建華
攝影：陳順禎
「寸嘴Barbie」夏尉喻以一身碎花裙谷胸出席活動。
Rosemary與未婚夫Jason近日忙於為下月初的印度婚禮籌備。
趙式芝（右）與同性伴侶楊如芯恩愛現身。
from:
http://hk.apple.nextmedia ... 151121/19381497
