葉德嫻日前在紅館開騷的第一晚，懶理特首夫人梁唐青儀在場，呼籲大家不要怕上街。事後有朋友向她作出「忠言」，但葉德嫻前晚尾場繼續說：「小朋友要有前途先至得，𠵱家唔係一個可以培育到小朋友嘅地方，所以我哋上街係啱㗎！」更在歡呼聲下約定大家下次上街一齊嗌。
葉德嫻一連三場「Deanie Sing for me2013葉德嫻演唱會」前晚在紅館圓滿結束，她在首晚演唱會上，借題發揮要大家保持權益，還懶理特首夫人梁唐青儀在場，公然呼籲大家不要怕上街，結果翌晚演出自爆收到忠言，被勸喻說話要聚焦。
葉德嫻前晚喺台上高呼：「小朋友要有前途，𠵱家唔係可以培育到小朋友嘅地方，我哋上街係啱㗎！」薑真係越老越辣！與葉德嫻曾合作的黃子華，到後台為她打氣。
「得罪人係專長」
一向敢言的葉德嫻繼續懶理，前晚尾場演出時再說：「𠵱家祖國好叻，香港唔加把勁嘅話，會變番做一條小村，我哋係咪咁渣㗎？小朋友要有前途先至得，𠵱家唔係一個可以培育到小朋友嘅地方，所以我哋上街係啱㗎！」葉德嫻更在全場歡呼聲之下說：「下次上街一齊嗌，我哋喺度約定。」葉德嫻在台上亦正式宣佈今次是最後一次演唱會：「日後都冇乜可能搞啲咁大型嘅騷，所以珍惜今晚同大家見面，雖然有啲傷感，不過有其他歌手邀請我，我都會做嘉賓。」
完騷後葉德嫻接受訪問，談到「忠言」，她笑說：「得罪人係我自己專長，好多人教我講嘢，叫我要smooth啲，唔好咁offensive，但係我呢類騷可以叫破格，如果用番一般思維去做，就會好危險，變咗要請dancer同放煙花，今次唔係群星拱照葉德嫻嘛，所以咪可以出軌啲，明白朋友嘅好意，但係唔一定會做到。如果你要我講討好同讚美嘅說話，我就做唔到。」
堅持見好即收
問葉德嫻是哪方面提出？她說：「只係朋友提出，佢哋比我年輕，睇咗好多唔同類型嘅騷，習慣咗個模式，但係我想唔想做，係另一回事。」至於何時決定今次是最後一次演唱會，葉德嫻說：「其實一早定咗，只係唔想做賣點，見好就收。」
葉德嫻宣佈不再舉行個唱，觀眾站立拍掌。倫永亮葉德嫻惺惺相惜，搞笑地互相跪拜，以示感謝！
from:
http://hk.apple.nextmedia.com/entertainment/art/20130312/18192053
