改造McQueen戰衣葉德嫻龍袍加身

七料影后葉德嫻（Deanie）喺今個月8號就重踏紅館舞台開騷，舉行三場「Sing For Me演唱會」，𠵱家已經進入最後倒數，Deanie姐同音樂總監倫永亮加緊綵排，朝朝食生果、青菜、白飯補充體力，連最愛睇嘅星星，都因唔得閒冇時間睇。

七料影后葉德嫻（Deanie）喺今個月8號就重踏紅館舞台開騷，舉行三場「Sing For Me演唱會」，𠵱家已經進入最後倒數，Deanie姐同音樂總監倫永亮加緊綵排，朝朝食生果、青菜、白飯補充體力，連最愛睇嘅星星，都因唔得閒冇時間睇。

葉德嫻又要綵排個唱，又要為新歌拍ＭＶ，忙到連星星都唔得閒去睇。葉德嫻將短裙改成龍袍，襯番佢舞台女皇嘅高貴霸氣。

環保着舊衫

由於Deanie姐主力推動環保，演唱會七成戰衣都玩舊衫DIY，造型師AndyDaniel仲幫Deanie姐買到已故設計師Alexander McQueen嘅遺作金色短裙，但因為Deanie姐唔着短裙，AndyDaniel就將短裙加工改造成龍袍，仲叫裁縫師傅一針一線咁趕工完成，等Deanie化身舞台女皇，配合佢喺台上嘅高貴霸氣。

而對手襪情有獨鍾嘅Deanie姐，特別喺法國訂製八對手襪配搭戰衣，襯番個唱海報以手襪做icon，代表Deanie姐唱得一手好歌，喺演唱會上，Deanie姐會演繹《明星》、《飄》、《倦》、《千個太陽》等金曲。
from:http://hk.apple.nextmedia ... 130301/18180379

力求完美的葉德嫻本月在紅館開演唱會，原來她也苦等這個機會八年，不過卻預告可能是最後一次的演出！而她今次被打動開騷，因為主辦商讓她有話事權。

葉德嫻謙稱自己沒有資格培育新人。葉德嫻說每次開騷，都視為自己最後一次。

相隔八年，葉德嫻（Deanie）本月八日起，再次在紅館舉行一連三場的《Deanie Sing for me 2013葉德嫻演唱會》，她表示今次可能就是告別演唱會：「其實每次開騷我都視為最後一次，因為你唔知仲有冇能力、有冇命去做！呢幾年一直有人搵我開演唱會，一律拒絕，我唔係高檔同有錢，但我就係唔會做。」Deanie坦言今次打動到她的原因是話事權：「我講明舞台要簡潔，唔請大明星做嘉賓，音響要好，一定要有弦樂。互相尊重好難得，冇幾多主辦單位會肯咁樣，所以我做，亦都相信以後好難再有咁嘅機會！」她亦明言有考慮過封咪：「但唔係退休，總之唱到力有不逮嘅時候就要走。」

與羅大佑恩怨未消
Deanie稱今次特別挑選了一些滄海遺珠的好歌，例如《夜潮》和《白信封》，當然亦少不了經典歌曲《赤子》。《赤子》令Deanie和羅大佑友情不再，Deanie坦言已和他形同陌路：「我冇嬲佢，但畀我認識到一個商人，咁樣去做一樣嘢。把聲係屬於我，未經我同意就出咗街！」她又指羅大佑從未向她道歉：「冇解釋、冇搵過我，佢達到佢目的都唔需要同你做朋友啦！係有一次佢多咗張鋼琴家演奏會飛，問我要唔要，成個演奏會我哋只係講個鋼琴家，冇提過件事，你話係咪怪！」

葉德嫻與倫永亮在演唱會中再合作。

讚G.E.M.唱得之人
面對每況愈下的樂壇，Deanie謙稱自己沒資格培育新人：「見到唱得好嘅咪叫佢哋畀啲心機，最多指點一兩句。我有聲，但係教人仲需要一個方法，不過我可以話畀你聽去邊度搵好老師。」她又點名讚G.E.M.是唱得之人：「佢唱得唔錯，暫時只係留意到佢。我唔知佢有冇資格成為巨星，要講天時地利人和，依家唔只要識唱歌，仲要有好嘅人際關係同宣傳先立足到。」
from:http://orientaldaily.on.c ... /00282_033.html