鄧萃雯、周永恆（Roy）及鬼妹陳明恩等人昨日到紅磡出席「全城防毒2013」活動，早前因拍劇《金枝慾孽（貳）》時，壓力太大致患情緒病的雯女表示，早前拍劇因「飛紙仔」感到焦慮及驚恐，經心理調節後已痊癒。
早前有指鄧萃雯因拍劇集《金枝慾孽（貳）》，壓力太大而得到情緒病，雯女昨日到紅磡出席禁毒活動時強調不是情緒病，她說：「我未去到病，係有焦慮同驚恐，我有信仰即刻調節心態，唔使食藥。」
雯女透露拍劇時經常「飛紙仔」，加上對白很深很難，故形成擔心和焦慮，她續說：「周旭明嘅劇本對白好多重意義，我怕背唔好影響到人，每日好恐慌唔知接到乜嘢劇本。」
雯女表示有兩位好姊妹鄭秀文及張可頤拍戲時都遇過類似問題，她說：「我可以同佢哋分享，同埋呢件事令我學識要放下，自己身體話我知應付唔到冇劇本嘅劇集，所以內地劇冇完整劇本，就算幾多錢都唔會拍。」
鄧萃雯被指拍劇壓力大，搞到有情緒病，噚日佢出席活動時話自己休息緊，生活寫意，但雙膝離奇出現瘀痕，認真耐人尋味。雯女（左）自爆拍《金枝（貳）》時經常飛紙仔，加上對白艱深，令情緒起伏大。微博圖片
周永恆表示若有超盈電話會致電關心。擔任大使的麥貝夷、陳明恩和裕美等齊齊出席防毒活動。
周永恆盼關心超盈
問周永恆怎看何超盈日前街頭迷糊一事，他說：「𠵱家唔係話佢啱定錯，係要關心佢，如果你哋畀佢電話我，我會打畀佢。佢係一個小妹妹，唔好笑佢，如果有病好慘，唔係有病仲慘，要愛佢多啲。」
from:
http://hk.apple.nextmedia.com/entertainment/art/20130310/18190114
