吳綺莉昨為飲食節目《新派煮意》錄影，早前被電台炒魷的她被問到賠償事宜，她說：「搞掂晒，有賠錢。（賠幾多？）唔知，因為無綫係我經理人，我只係出緊公司月薪，電台係賠畀無綫。（會拍劇？）希望下半年，因為我依家喺數碼電台開咪，簽咗半年約，做人要有交帶，太少戲份唔想接，太多戲又怕兼顧唔到開咪。」
吳綺莉說喜歡街頭小吃，但不敢食太多。
談到日前被拍得與囡囡卓林「掃街」，吳綺莉坦言愛吃街邊小吃：「去開先買，日日食唔健康，我為咗減肥都戒緊口。（囡囡被指似房祖名？）冇睇過相，但我覺得個女似我。（唔介意畀人話個女似祖名？）似邊個冇所謂，最緊要身體健康，邊個靚就似邊個。」不過，吳綺莉卻嫌女兒骨架大：「我係單骨，佢係雙骨，所以佢一肥就好大舊。（雙骨似邊個？）屋企咁多人，查族譜先知。」
from:
http://orientaldaily.on.c ... /00282_033.html
