昨日是元宵佳節，馬國明與前度女友胡定欣難得相聚，與胡杏兒、梁烈唯等到屯門宣傳無綫劇《戀愛季節》，馬國明介紹劇情時竟口快快將「幫杏兒搵番過去」說成「幫定欣搵番過去」，看來他仍十分緬懷舊情。
馬國明與胡定欣（右）被邀合照時，都要拉杏兒一齊。
無綫劇集《戀愛季節》一眾演員包括胡杏兒、馬國明、胡定欣、賈曉晨（JJ）及梁烈唯等人，昨日到屯門出席宣傳活動。劇中幾對戀人被安排玩牽紅繩遊戲，一對現實中的舊情侶馬明和定欣被分開成兩組，當馬國明與杏兒被紅繩綁在一起時，馬國明開玩笑說：「唔該大家綁實啲，我冇諗住解番。」
講錯話尷尬
定欣則在唯唯頭上掛上紅色彩球，非常貪玩。之後各人介紹劇情，劇中飾演私家偵探的馬國明本來想說：「幫杏兒搵番過去。」怎料講錯名變成：「幫定欣搵番過去。」站在身旁的杏兒聽到呆了，馬國明得知自己講錯說話顯得有點尷尬，即時更正。JJ在台上說：「我拍呢套劇第一日就同唯唯激吻，我仲記得佢啲口水味。」唯唯即反問說：「咁你同男友咀時，你男友（樊少皇）feel到我啲口水味？」JJ只懂掩嘴儍笑。
【今日我至爽】馬國明與胡杏兒噚日去屯門宣傳新戲時俾人綁埋一齊，馬明爽到不停咁話唔想解開。賈曉晨與王浩信玩遊戲時十分投入。
台上零交流
馬國明和定欣在台上零交流，台下被要求合照時亦要杏兒做電燈膽，馬國明被問元宵會否約會緋聞女友岑麗香或唐詩詠一齊慶祝？他笑說：「會同多位華姐度過，其實真係多謝大家畀幾個咁好嘅女仔我，可能喺佢哋心目中我未必係筍盤，唔好寫到幾個女仔都恨同我拍拖。」
至於蜜運中的定欣指不會特別慶祝元宵佳節，她說：「之前情人節都係兩個人煮嘢食，𠵱家大個唔係小妹妹，對節日冇乜強烈感覺。」仍是單身的杏兒透露將要到北京工作，她說：「我返北京宣傳套劇，大家唔好又寫我去會情郎呀。」
from:
http://hk.apple.nextmedia.com/entertainment/art/20130225/18175778
