自從有咗兩個寶貝仔，李克勤任何事均以家人為優先考慮，去年他斥資半億購入壽臣山獨立屋，方便兩子返學。
揸住過億物業，李克勤繼續默默吸金，單是去年便做了九十場演出，今個農曆年亦無休，到新加坡做兩場商演，每場唱四首歌，二百萬袋袋平安；主辦商更包起克勤一家四口加助手菲傭度歲使費，隨團還有大仔Ryan兩個同學及家長，親子團在環球片場同大班遊客迫埋排隊玩機動遊戲，克勤上齊裝備，幫老婆囝囝影相，廿四孝！
過肥年
李克勤結婚轉眼六年，兩個仔亦分別五歲及三歲大，做埋老豆，克勤近年開始轉型，賺錢行先，單是去年，便接了九十場海外及國內演出，賺得一間豪宅。
今個農曆年，克勤舉家在年初二出發往新加坡，為當地金沙酒店演出兩場，每場唱四首歌，輕鬆進賬二百萬過肥年。
「以前克勤鍾意去日本shopping，但有咗兩個仔之後，佢揀地方都會先諗兩個仔，一○年佢去新加坡做演唱會，當時環球片場啱啱開，克勤同老婆帶過大仔Ryan去玩，嗰時細仔得三個月大，所以冇一齊去。今次趁農曆年做嘢，咪一家齊人再玩多次囉！」克勤身邊人說。
李克勤在金沙酒店登台，觀眾全部企晒起身，氣氛極佳。
龍友上身，克勤踎低身影細仔Rex。坐旋轉木馬時，克勤依然無停過拍DV。
盧淑儀陪住兩個仔玩旋轉杯，克勤趷高拍片，連身旁的遊人都眼望望。在環球片場玩了兩個小時，一家坐低食快餐，無助手喺身邊的克勤叫老婆先坐低，自己一個人排隊買嘢食。
食雞飯
除了工作，克勤的時間全部撥留給家人，大仔Ryan在加拿大國際學校讀K3，克勤經常抽時間與Ryan同學家長聯誼，交換湊仔心得；就算今次去新加坡，克勤都邀約了Ryan兩個同學及家長同行。
「克勤兩公婆好緊張Ryan嘅學業，同幾個同學仔家長感情亦好好，經常會約出嚟食飯同旅行，擴闊生活圈子係好事！」
初二下午一點，克勤一家四口，與助手及菲傭飛抵新加坡機場，酒店方面安排專車接載一行人，只見克勤跟兩位工作人員傾了一陣，大隊便上車出發，坐了大約廿分鐘，在一間雞飯出名的餐廳落車，吃了個多小時，才返回金沙酒店check in。
五歲大的Ryan，似足爹哋。
克勤帶住大仔Ryan，盧淑儀則負責照顧細仔Rex，玩機動八爪魚，坐在後排的克勤（箭嘴），揸住DV拍老婆及囝囝。
到埗後，克勤先到酒店附近的餐廳吃海南雞飯。幫囝囝及同學仔拍照，克勤和老婆安排大家企好擺pose。
15/2
年初六，克勤一家由酒店專車接載到機場，一家人四篋行李，十分大陣仗。
做龍友
商演活動在初三及初四晚，雖然只是輕輕鬆鬆唱四首歌，但克勤在年初三一早，已到場地做彩排。
晚上演出，克勤爭取私人時間，拉隊到環球片場，農曆年假期，環球片場內逼滿遊客，但幾個小朋友依然十分興奮，克勤亦裝備充足，帶齊相機、長鏡及DV，邊行邊影，為家人化身龍友。
好好搵
