發新話題 Report thanks

關詠荷:歐陽震華仲識講笑

歐陽震華(Bobby)年初二報稱因急促進食嗆喉導致急性肺炎入院,昨午Bobby太太傅潔嫻和好友關詠荷,先後到灣仔律敦治醫院探望。關詠荷逗留約半小時後離開,她透露Bobby精神頗佳,頭腦清醒兼反應快,她說:「佢仲識講笑。」
關詠荷:歐陽震華仲識講笑圖片1
關詠荷昨日往醫院探望Bobby,戥他插喉辛苦
關詠荷亦有關心Bobby現時健康狀況,她說:「Bobby話𠵱家先明白原來插喉係好辛苦、好痛苦,搶救過程令個人都好攰,佢話第一吓醒番,成身好似搏鬥完咁。」問有沒有勸Bobby以後保重身體,她說:「咁大個人識諗,佢成日都扁嘴,但經過今次佢自己會知,要對得住老婆嘛。」關詠荷之後要趕拍新劇《情逆三世緣》,繼續與Bobby替身李啟傑演戲。

昨午有人送外賣上房間,估計Bobby胃口不俗。約晚上七點多,傅潔嫻與Bobby經理人一同離開醫院,並透露Bobby仍需多留院數天。
from:http://hk.apple.nextmedia ... 130218/18168439

TOP

歐陽震華:醒得慢會變植物人

歐陽震華(Bobby)日前昏迷被送律敦治醫院ICU搶救,其經理人指Bobby急性肺炎,但有傳是酒精中毒,已好轉的Bobby昨接受無綫節目電話訪問時說:「入院時已冇呼吸能力,自己唔識呼吸,真係死得,聽講半夜兩點幾搶救到第日12點,醫生話我大命,意志好堅強,醒得慢會變植物人。」Bobby又否認飲酒過量,相信因之前拍劇較累,有感冒底,再喝酒才病發。Bobby對事發時情況記憶不多,只記得拿揮春影相後坐在一旁,後來太太將他一推已見他反白眼及抽筋,幸當時有朋友懂急救。
關詠荷:歐陽震華仲識講笑圖片2關詠荷:歐陽震華仲識講笑圖片3
Bobby昨在電話中直言死過翻生,患難見真情,十分感激太太。甫下機的宣萱即往探病,卻被歐陽震華取笑她沒帶手信。

昨午Bobby太太傅潔嫻陪老公食晏,透露Bobby已能下床,胃口不俗,而Bobby經理人Lydia昨表示Bobby預計後日可出院,但需休息暫未能開工。而剛從美國返港的宣萱昨素顏來探病,逗留三小時離開,她笑言:「Bobby識窒人即係冇事啦,佢話我唔帶手信嚟探病,仲要食佢嘅、飲佢嘅。」宣萱認同Bobby不止要戒酒,更要多做運動注意健康。
from:http://hk.apple.nextmedia ... 130219/18169514

TOP

歐陽震華感激袁偉豪神之手救命

歐陽震華因急性肺炎被送入院,病情好轉的他昨日接受電話訪問,親述事發當時情況,以及生死十二小時搶救經歷,他慶幸自己意志力強及早甦醒,否則有機會變成植物人,直言今次死過翻生。
關詠荷:歐陽震華仲識講笑圖片4
Bobby接受電話訪問時,自言死過翻生。

演員歐陽震華(Bobby)農曆年間因急性肺炎被送院搶救,現情況良好已由ICU病房轉到特別病房,估計本周便可出院回家休息。昨日,他更接受無綫娛樂新聞台黎芷珊的電話訪問,中氣尚算不錯的他,訪問期間亦有幾聲咳,令訪問中斷了數秒給他回氣。他在訪問中甫開口便說:「恭喜發財,身體健康。醫生話驗埋血再照埋個肺,驚啲食物殘渣喺肺裏面,要咳番出嚟。」

「唔好咬到條脷」

問到昏迷前最後的一個畫面,他憶述說:「只記得成班人喺朋友家影緊相,其他真係唔知嘞。之後太太講番我知,當時我一個人行咗去梳化坐低,好似恰着咗咁,陶大宇以為我醉醉地和眼瞓想叫醒我。(咳了數聲)佢一推我就見我反白眼和抽筋。好在有好多專業人士如婦科醫生、警務人員,和有朋友學過急救都喺度。袁偉豪就好到即刻衝入廁所洗手,然後畀手指我咬,叫我唔好咬到條脷。可能我本身有啲感冒又飲咗啲酒,一咳就入咗肺,導致我昏迷。」
關詠荷:歐陽震華仲識講笑圖片5關詠荷:歐陽震華仲識講笑圖片6
Bobby(中)日前在飯局上出事,陶大宇(左)亦在場。

Bobby透露入院時已沒有呼吸能力,需要插喉輔助,他猶有餘悸說:「真係好辛苦,真係死得o架。由凌晨兩點搶救到翌日下午兩點,共十二個小時。醫生話我真係大命,幸好意志力堅強,醒得快,否則昏迷時間愈耐會愈危險,可能成為植物人。真係死過翻生,要多謝朋友、太太,患難見真情。」對於有傳他因「暴飲」而出事和隱瞞實情,他說:「酒實有飲,但唔係飲好多。只不過可能攰攰地,我拍《情逆三世緣》啲戲份又重啲。」他又透露曾經有次開廠,聞到強烈天拿水味令心口痛和牙骹緊,他說:「我仲笑話如果有事就送我去通波仔,關詠荷仲話我咁衰邊有咁易死。」

講笑下次用腳趾
記者聯絡上當時身在現場為Bobby急救,亦合作《情》劇的袁偉豪,他說:「我學過心肺復甦,當時怕佢抖唔到氣,畀個舒服位佢呼吸,我都有幫佢扣喉。多嘅我都唔敢做,人命嚟o架。事後,佢打畀我講多謝仲識講笑,仲話下次唔好放手指,要放腳趾。」
from:http://orientaldaily.on.c ... /00282_007.html

TOP

thanks