娥姐關詠荷小產無損婚姻

1^# 大中小 young 發表於 2013-9-4 14:05 發短消息

歐陽震華（Bobby）、關詠荷（娥姐）、苟芸慧及朱晨麗等昨日於將軍澳為無綫劇《情逆三世緣》宣傳，黃智雯以一身夢露造型，露出事業線成功搶鏡，於台上她與朱晨麗更跳舞色誘Bobby。對於有指關詠荷曾兩次小產，導致與張家輝婚姻出問題，娥姐否認婚姻有問題，但她承認生囡囡前曾兩次小產，老公當時亦知道：「都係囡囡未出世之前嘅事，呢樣嘢要兩個人一齊去面對。」

娥姐早前表示封肚，她坦言現時心態不會刻意追，一切隨緣，而囡囡原本亦希望有弟妹：「之後同佢解釋過，話所有嘢都要分一半畀弟妹就冇喇，所以𠵱家買咗隻狗畀佢。」而朱晨麗對於被指整容，她否認指是做運動減肥變瘦，問到會否介意整容？她說：「暫時未需要，但唔抗拒。」
from:http://hk.apple.nextmedia ... 130904/18407772

廷伸閱讀/相關主題推介:

相關主題:關詠荷婚姻

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-9-4 14:37 發短消息

關詠荷囡囡要弟妹養狗仔頂檔

「最佳拍檔」關詠荷、歐陽震華昨日聯同朱晨麗、黃智雯、苟芸慧、章宇昂等為劇集《情逆三世緣》宣傳，並大跳民初舞蹈角逐「東方舞王、舞后」之名，Bobby使出撒手鐧「環抱」關詠荷，對方再拗腰騷美腿，兩人輕易勝出，不過當獲頒儼如港姐的綵帶時，Bobby笑說自己像啤酒妹。

歐陽震華抱關詠荷大騷舞藝。

關詠荷被問到之前獨家於《好報》中慨嘆早年曾努力造人，但上天卻冇籌派，造人計劃畫上句號，關詠荷解釋只是不再刻意去想：「我想順其自然，早幾年係好想有，但依家不如放鬆，係咁多就咁多，整定，（流產一事老公張家輝知道？）佢知，呢個要兩個人傾，件事都係生個女前發生，無影響過我哋。」關詠荷又大爆女兒曾想過要弟妹，甚至叫她去領養，但知要分薄父母的愛後，女兒就即改口風說一個人都可以，關詠荷說：「依家買咗狗仔畀佢，佢會當自己係姐姐咁照顧佢哋。」

朱晨麗被傳整容，但她否認並指暫時覺得未需要。

朱晨麗唔抗拒整容
至於朱晨麗被指似倒模陳法拉，她澄清是因打拳關係才開始瘦，暫時覺得未需要整容：「但我唔會抗拒，（想整邊度？）老咗先知，其實我同法拉傾過，我哋嘅共同點係大家唔似。」另外，章宇昂有份演出的《情》及《衝上雲霄Ⅱ》都收視報捷，他大讚兩位監製製作用心：「我個角色喺兩套劇都好唔同，一個好靜一個就好勇。」章宇昂稱正洽談新劇，問到還想跟誰人合作？他直言是陳法拉。
from:http://orientaldaily.on.c ... /00282_070.html

TOP

3^# 大中小 young 發表於 2014-7-3 11:53 發短消息

關詠荷囡囡一眼關七，笠頭掩行蹤

關詠荷向來對女兒張童（Brittany）寵愛有加，前日母女在中環行街買指甲油扮靚靚，眼利的Brittany發現記者先鬼馬地以媽咪的外套笠頭掩面，未幾又眼睩睩四處尋找鏡頭。其後母女逛書店，媽咪揀書時她乖巧地踎於一旁睇故事書。

關詠荷湊女兒張童行街街，女兒對鏡頭十分敏感，一度笠頭而行。

關詠荷與老公張家輝不時帶同女兒Brittany外出家庭樂，最近家輝忙於工作，湊女責任落在關詠荷身上。前日傍晚約六時，關詠荷帶同女兒到中環行街購物，母女二人邊行邊傾，之後步入一間化妝品店。

踎低打書釘
Brittany甫入店已對五顏六色的指甲油甚感興趣，拉着媽咪齊齊研究，未幾已購下心頭好，一臉興奮的Brittany拖着媽咪步出門口時，眼利的她發現記者拍照，即鬼馬地拉扯媽咪的外套笠頭掩面、蒙面而行，令關詠荷哭笑不得。

關詠荷在書店揀書時，Brittany踎在一旁打書釘。

其後她倆往逛書店，關詠荷揀書時，Brittany則拿了一本英文書踎在一旁邊睇邊等，極為乖巧，最後逗留約半小時購下大袋書籍便離開，沿途步往乘車時，好奇的Brittany又眼仔睩睩四處張望尋找鏡頭，發現記者仍在，她又急急低下頭避鏡。

文、
From:http://orientaldaily.on.c ... /00282_028.html

TOP