歐陽震華（Bobby）同關詠荷（娥姐）孭飛嘅無綫劇《情逆三世緣》，今個星期進入結局周，星期六、日夜晚9點至10點播大結局。Bobby同娥姐呢對有情人，雖然喺宋代同50年代都有緣無份，好彩最後都打破宿命，喺現代有情人終成眷屬，仲生咗個肥肥白白嘅B仔，一家三口樂也融融。
無綫劇《情逆三世緣》本周結局，最後Bobby同娥姐排除萬難一齊，仲生埋仔㖭！
險中鄭子誠詭計
劇情由50年代返去現代之後，Bobby去老人院探老竇敖嘉年嗰陣，發現親生媽咪朱晨麗，於是不顧一切衝出馬路，點知俾車撞倒。Bobby醒番發現自己有胎痣，以為自己係娥姐宿敵，耳邊仲有把聲不停叫佢殺死娥姐，原來一切都係鄭子誠詭計。喺第一集出現過嘅犯罪集團主腦鄭子誠，原來係黃智雯個仔，一直幫阿媽報仇，子誠用迷藥迷暈Bobby，搞到佢以為自己係娥姐宿敵，使命係殺死娥姐。好在喺Bobby殺娥姐嗰陣，敖嘉年出手救咗娥姐一命。而敖嘉年喺老人院臨死之前，朱晨麗終於見到佢最後一面，兩個仲跳咗隻舞，Bobby見到父母咁開心都好感動。
睇真啲，個仔好似Bobby喎。
Bobby當眾向娥姐求婚，睇到人好感動。
之後Bobby想殺死惡毒嘅黃智雯，點知娥姐幫個妹黃智雯擋咗一槍，就係呢一槍化解咗兩姊妹嘅恩怨。最終娥姐救得番條命，同Bobby結婚生仔，個B仔同Bobby仲好似樣，好有父子相㖭！
版主：陳基征
呢幕50年代戲，劇情講黃智雯（左）想害死娥姐，但俾Bobby阻止。
朱晨麗趕及見敖嘉年最後一面，了咗件心事。
from:
http://hk.apple.nextmedia.com/entertainment/art/20130916/18424611
