薛凱琪（Fiona）與搞笑能手吳君如、鄭中基及杜汶澤拍攝賀歲片，半個月被困在同一間酒店，早午晚三餐都吃同樣餸菜，食到想嘔。情人節剛過，單身的Fiona坦言恨拍拖，但強調與傳了數年緋聞的方大同只是好友關係，希望愛得簡單的她，寧揀圈外人拍拖。
薛凱琪坦言與圈中人拍拖有壓力，要搵有相同價值觀的男友亦很難
早前薛凱琪到千島湖拍電影，被困酒店一個月令她永世難忘
Fiona首次與吳君如、鄭中基合作拍攝賀歲片《百星酒店》，問到拍攝時有何難忘事？Fiona憶述時猶有餘悸：「成套戲我哋都困咗喺千島湖拍，嗰度除咗酒店之外就咩都冇，所以每日早午晚餐都喺同一個中餐廳食飯，而且餐餐都係食馬蘭頭、白切雞、白飯同魚頭。雖然呢啲餸已經係嗰度最好，但我拍咗半個月，餐餐食真係食到嘔。
她續稱：「好似杜汶澤嘅助手返嚟香港之後幾個月都冇再食雞，好彩君如中途返咗香港做嘢，佢好好人，返嚟嗰陣專登買咗啲好好食嘅粉絲、即食麵同菜煮畀大家食，即刻好搶手！雖然呢啲嘢食可能喺香港好普通，不過當時我哋真係當寶。」
雖然經常被拍得與方大同吃喝玩樂，但薛凱琪強調與對方只是好友關係
薛凱琪不用埋位時喪講爛Gag，鄭中基亦頂她唔順
需要安全感
情人節剛過，單身的Fiona坦言希望感情有着落：「我唔係要一個伴侶去陪我吃喝玩樂，我要姻緣，一個Life Time嘅人。」與方大同傳了數年緋聞的她強調只是朋友關係：「我係一個好需要安全感嘅人，安全感係來自時間，不過我哋好少見。成日被人影到，係因為每次我哋去啲地方都係好當眼。」
談到擇偶條件，Fiona說：「圈外人簡單啲，可以做多啲正常人嘅事。做藝人其實好少選擇，要搵個男仔專一、同我有相同價值觀、同埋傾得埋已經好難。」
from:
http://orientaldaily.on.cc/cnt/e ...0217/00282_020.html
