歌手方大同前晚帶同旗下歌手王詩安（Diana）在中環出席音樂會，Diana是首次在港演出，她坦言只懂聽少許廣東話。問到有否問老闆方大同認為她的表現如何？她直言不敢問，又說：「大家既然來了，就一定想聽我們的音樂。（有男觀眾向你示愛！）是嗎？謝謝，我也愛大家。」對於Diana的演出，方大同說：「滿意，佢好興奮第一次嚟香港做騷，觀眾反應又好。」他又透露早前忙與Diana寫歌及推出兒童圖文小說，問他今年可會開騷？他說：「傾緊唔同可能性，但我知今年啲期好爆，睇吓幸唔幸運。」提到台灣天團五月天放棄5月的紅館檔期，問方大同可會考慮？他說：「要睇緣分。（有入紙？）傾緊不同嘅騷，睇吓邊樣落實先。」另外，大會公布2017年度Billboard Radio獲獎名單，方大同奪「年度藝人」獎。
方大同與旗下歌手王詩安同台演出。
方大同
方大同王詩安齊奪獎
方大同、王詩安（Diana）前晚喺中環為「Billboard Live in Hong Kong2018」演出，佢哋分別獲頒發年度藝人同年度突破歌手獎，雖然今次係Diana第一次喺香港演出，不過現場有觀眾大聲向Diana示愛講：「I Love You」，Diana就回敬話：「謝謝，我也愛大家。」
而今次係大同簽咗Diana後第一次喺香港同台，大同大讚：「喺後台聽到佢嘅歌聲，覺得表現好好。」
撰文：馮仁昭
