方大同自認跳舞幾好

1^# 大中小 young 發表於 2016-8-6 01:11 發短消息

相關主題: 方大同

方大同噚日喺灣仔舉行新歌搶聽會，佢話9月會推出雙唱片，唱片入面總共有21首歌，係為咗慶祝今年入行11週年紀念，加埋慶祝早排投資咗8位數字，開咗間製作公司，大同仲話計劃下年開演唱會。問佢會唔會跳舞？大同笑謂：「可能喺下個騷跳，因為有一、兩首歌節拍感重啲。」講到跳舞天份？佢就話：「啲人睇過話幾好，我唔係手腳不協調。」

撰文：馮仁昭
from:http://hk.apple.nextmedia ... 160725/19708347

廷伸閱讀/相關主題推介:

相關主題:方大同

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-10-23 17:26 發短消息

方大同惡搞洗腦歌

方大同（右）日前喺台北舉行新歌演唱會，除咗一班台灣歌手外，盧凱彤都有去捧場。擔任演唱嘉賓嘅葛仲珊（左），就帶咗蘋果同菠蘿送畀大同，祝福佢：「平安又旺來，新專輯大賣。」大同即刻攞出兩支筆做回禮，二人又即興唱洗腦歌《PPAP》，但就玩起B-BOX，將首歌改成《大同與Ko之歌》。新碟有14首新歌，大同話自己記歌詞好差，所以之前用咗好多心機去背歌詞。

撰文：馮仁昭
from:http://hk.apple.nextmedia ... 161004/19789974

TOP

3^# 大中小 young 發表於 2016-10-23 22:01 發短消息

方大同唔出碟轉攻電影

曾獲叱咤男歌手金獎嘅方大同，前日喺台北宣傳新碟《JTW西遊記》，宣佈未來唔再出原創專輯，退居幕後培育新人，同朋友合資「賦影視」準備拍電影，大同自爆入行後冇拍拖：「自己每天忙得焦頭爛額，出道11年僅僅休息了20天，音樂不好做！」曾傳緋聞嘅薛凱琪噚日喺電話話尊重大同嘅決定，更戥佢喺音樂事業上有新發展而開心。

撰文：馮仁昭
from:http://hk.apple.nextmedia ... 161013/19798792

TOP

4^# 大中小 young 發表於 2016-10-23 22:45 發短消息

方大同開公司培育新人

方大同前晚在表演期間，落台與薛凱琪玩自拍。

方大同前晚在旺角舉行音樂會，他在台上提到轉做幕後工作，即引起不少朋友以為他要退出幕前，他強調沒有退出之意：「呢一張碟會係最後一張原創大碟，之後會以唔同嘅形式去創作，但仲會有作品嘅。」演唱期間他落台和觀眾握手時，經過薛凱琪（Fiona）身邊，即興一起自拍。

騷後大同接受訪問，解釋最後一隻原創大碟的意思，他說：「之後音樂會有唔同形式嘅改變，會做好多其他藝人做嘅工作。」他透露成立了「賦音樂」公司，希望可以幫其他人實現夢想，可望明年帶出新歌手。會否斟Fiona過檔？他笑言沒本事，經驗之談是不可與熟朋友做生意。

採訪：王連連
攝影：仇志德
from:http://hk.apple.nextmedia ... 161019/19804999

TOP

5^# 大中小 young 發表於 2016-10-24 20:07 發短消息

方大同趕離港赴北京見Fans

方大同前晚出席完紅館音樂節後便即離港，趕往北京。

方大同、李克勤、張楚、太極、黑豹樂隊和唐朝樂隊前晚在紅館出席「2016香港國際青年音樂節」，方大同完騷即刻離開趕飛機，他說：「趕8點半離港，聽日北京新碟簽名會，驚會打風，今朝改機票盡快離開，驚如果真係起唔到飛，就會miss晒兩個簽名會。」問他打風曾否試過搭飛機，他說：「好勁氣流試過，空姐叫我哋唔使驚。」不過，沒試過要寫遺書，他又表示不會寫，因為要照顧身邊人。

李克勤執導MV《一個都不能少》日前首播，他表示緊張到睡眠不足，他說：「好多影帝影后級人馬參與，最驚係影衰人哋，好彩反應OK，係用微電影手法拍，成本都好貴，用咗幾十萬。」

採訪：王連連
攝影：陳俊強
from:http://hk.apple.nextmedia ... 161022/19808537

TOP