李彩華揸車迷路

【銅鑼灣→跑馬地→沙田】近年長期留喺內地賺人仔嘅李彩華（Rain），過年返咗香港陪屋企人，噚日初七人日，撞啱又係Rain細佬Ray牛一，於是佢前晚全家去咗沙田凱悅酒店開餐，順便幫壽星仔賀壽。

【今日我至瘀】李彩華前晚做柴可夫載阿媽同細佬入沙田食飯，點知佢唔識路，真係瘀皮呀

要的士帶領
Rain嘅舊愛王傲山早前結婚，另一舊愛林峯又同新歡吳千語日本預支蜜月，Rain噚日都喺微博放咗大堆花相示威，佢前晚7點幾，揸住Mini Cooper去銅鑼灣接父母同細佬，再入跑馬地接埋另一女子，跟住開車直入沙田。不過Rain呢個路盲，去到沙田竟然迷路，烏龍行大運，佢被迫停喺附近單車徑問路，但單車友都教唔到佢，Rain就叫阿爸喺的士站落車求助的士大佬，但似乎Rain都係唔明，最後由Rain父上的士，Rain跟車先去到目的地，佢哋一家上咗去中菜廳食飯，可能兜路兜得太耐，成家坐低就狂擦。

路盲李彩華要停低架車向單車友問方向
最後李彩華要跟住架的士至去到目的地

李彩華嘅細佬Ray生日，前晚佢哋成家出動開餐幫壽星仔慶祝
李彩華噚日出席活動，話唔信林峯同吳千語遊日時分房瞓
另外，Rain噚日喺奧海城出席攝影活動，對於吳千語話同林峯遊日分房瞓，同林峯拍過拖嘅Rain話：「我唔係好信，同房唔一定要發生乜嘢，佢哋拍拖，分房瞓好奇怪。」
from:http://hk.apple.nextmedia.com/entertainment/art/20130217/18167646

李彩華（Rain）昨日與母親一同出席公開活動，Rain透露去年乃人生轉捩點，雖然事業發展順利，但感情卻不如意，幸而受浸後令其人生觀改變不少。談到剛過去的情人節，Rain表示雖有追求者送她99支鮮花，卻未有答應與對方外出，因不想胡亂墮愛河。對於舊愛林峯與吳千語外遊返港，千語揚言二人留日期間分房瞓，Rain聞言即笑謂：「我唔係好信，咁同一間房瞓都唔一定會發生啲乜，拍拖同房好正常，分房反而奇怪添！」

與媽媽同行的李彩華，直言拖友分房是較怪的決定
林峯、吳千語
同場的黃婉曼（Icy）表示情人節當日與男友食飯慶祝，獲男友送上名牌手袋，問到她有否回禮？她謂：「不嬲都唔重視節日，之前用8折買咗隻錶畀佢冇晒錢，所以情人節就送咗啲折扣嘢畀佢。（今年係咪結婚？）呢樣嘢好複雜，要重新再計劃過。」
from:http://orientaldaily.on.cc/cnt/e ...0217/00282_051.html