性感女神葉玉卿早前來港宣傳新片，順道跟愛女胡芷欣於香港感受農曆新年氣氛，雖然愛女因陪伴自己奔波勞碌而兩日急瘦三磅，但卿卿視為最佳親子活動，好讓女兒明白自己以前做藝人時的辛苦。
卿卿與愛女芷欣祝大家新年開開心心。
葉玉卿早前專誠為本報拍攝賀年照片，向讀者拜年，此刻已飛返紐約的卿卿，仍非常珍惜這次因宣傳新片《2013我愛HK 恭囍發財》而留港感受農曆新年氣氛的經歷，她說：「我有16年冇試過喺香港過新年，今年再行花市發覺好有新年氣氛，依家我人在紐約，日日只可以望住窗外雪景慶新年，令我更加掛住香港。」
卿卿為新片盡心盡力，為了宣傳，更不惜帶同愛女芷欣周圍走，替芷欣上了寶貴一課，卿卿說：「我預咗兩日時間專誠宣傳呢套戲，幾乎冇得瞓，個女跟住我，兩日都瘦咗三磅，不過都好嘅，等佢知媽咪以前幾咁辛苦。」
莊思敏情人節冇date
另外，莊思敏、古明華、鄭欣宜亦有份演出卿卿主演的賀歲片，三人前晚趁情人節到戲院謝票，向觀眾大派禮物。莊思敏坦言雖不乏追求者，但全部沒有行動，令她情人節無人陪Dry爆：「有人原本約咗我食飯，點知臨陣縮沙！不過我對嗰個對象冇乜Feel，都冇乜所謂啦！」
左起：欣宜、思敏、古佬昨日到戲院謝票。卿卿「峰」騷祝大家賺個盆滿缽滿。
欣宜笑言自己情人節都無人約，即被莊思敏「踢爆」指欣宜活動後約了朋友食甜品。對於近期人氣急升的肥妹仔陳嘉佳（小寶）被指似肥姐，欣宜亦讚對方肥得可愛：「媽咪屬於Auntie級，小寶就活潑可愛，兩個各有特色。」
from:
http://orientaldaily.on.c ... /00282_035.html
