由杜汶澤吳君如薛凱琪等人主演嘅賀歲片《百星酒店》，上個禮拜五（二月一日）晚响灣仔舉行首映禮。呢期愈著愈少布，間中會谷吓胸嘅薛凱琪，是夜以斜膊長裙現身，仲响心口加咗條黃色SM箍。
薛凱琪想fashion啲，但遇着把口唔收嘅杜汶澤加鄭中基雙劍合璧，齊齊笑佢加條帶勒住個胸，可惜冇嘢睇，簡直畫公仔畫出腸。
Well，其實薛凱琪心口一向可加可減，早排佢出席仁濟夜活動谷出八字胸，早兩日佢又响微博上載同鄭中基戲中婚紗劇照，薛凱琪係咁意𠌥一𠌥，有料到喎！就算難分真假，最重要係宅男如何不看她。
戴咗個SM箍，望落條頸短咗，個胸扁咗，杜汶澤乘機笑佢畫公仔畫出腸，搞到俾薛凱琪扭耳仔。
唔係幻覺，薛凱琪呢一𠌥，事前應該做咗唔少功夫。
