呢間屬於尖沙咀分店,帶貓貓去沖涼數次一直都無事.
上星期日(31/1/2013).本人帶左2隻貓貓去沖涼.4點半放低,7點半通知我可以接佢地.當時負責人有講話其中一隻貓剪指甲時好大力掙扎,佢地已即時止血同埋話傷口已OK冇問題,指甲好快生番.又話呢d情況好常見係小問題.(我都知我隻貓好大力,所以冇質疑佢,一路以來佢地既表現都係愛貓之人,同埋我以為只係反左少少)果晚我趕住走冇即時check 個情況.番到屋企.貓貓活動如常,行得食得.直至前晚抱起貓貓,發現有異味.再睇下指甲情況,原來係成隻甲冇左!!心痛死我啦.點樣掙扎都唔會成隻甲冇晒呀,應該係有人貪快又粗暴先會攪到咁.個指甲位腫晒仲有少少血同埋一d 黑色既野.
第日帶左貓貓去睇獸醫,醫生話要完全康復要2個月時間.個傷口發晒炎.仲有d 碎甲要拔番出來.依家要一日洗2次傷口又要食消炎藥.我問醫生有冇可能因貓掙扎會攪到咁,醫生話如果主人唔識剪指甲都仲有可能,但係寵物店沖涼俾人攪到咁就真係好少聽到.如果再遲左發現,貓就會發燒仲有d 細菌會周圍走….我好唔開心係因為信錯人,貼$買難受!!如果你地真係無心之失,當時交代埋我要點樣處理貓既傷口我都冇咁嬲.你地仲要叫我多d 帶貓去沖涼又話叫我帶佢地去沖涼前一星期都唔好剪指甲,話咁樣佢地易d 剪wor.食屎啦!!
隻貓忍痛幾日我先發現,果一刻,覺得貓比人更堅強!我知我打去間鋪頭發洩,人地可能會推番一切又或者只換來一句sorry 就算.不過我點都會打去鬧番餐,同埋唔會再幫襯佢地!!咪以為d貓唔識講野就可以任你地魚肉呀~希望各貓狗主自行替貓狗沖涼,勿幫襯無良店舖.就算幫襯,都要找有信譽既鋪頭.取回貓狗時一定要檢查清楚才好離開鋪頭
后記:負責人終于打番俾我,佢話當時係隻貓手拍table,流左血已即時止血.仲話已做足程序同我地講,同埋當時係仲有指甲.我:醫生話隻貓全隻指甲冇晒,仲發晒炎仲流少少血.
佢:我地止晒血先交番隻貓俾你.我當時係有CHECK
我:咁隻指甲呢
佢:佢地係小動物會郁,或者之后甩左我唔知.人出街都會有意外啦
我:你咁講好唔負責任,你一D 唔好意思都冇
佢:我已經做晒我地可以做既程序,只可以話你知我會mark 番電腦做紀錄
我:你覺得你地冇錯?你地連小小唔好思意思都冇
佢:始終動物會郁,之后既情況冇人知.加上我當時都有同你地講唔好意思
我:冇,你果晚冇講過
佢:咁我e家同你講番,不過都係果句,走左之后冇人知道個情況會點變.我地只係負責沖涼.e家最緊要係e生幫到你.
我:我鬼唔知醫生可以幫到我呀,你mark 電腦都冇用,我以后都唔會幫襯你.
佢:我係你我都唔會再幫襯,因為尬都已經唔信果間鋪頭,我係你都會搵間滿意又安心既先拎去沖涼
我:其實你答咁多都係覺得你冇錯.
佢:我真係冇呃你,而且我只可以mark 番電腦做紀錄
well,我忍唔住cut佢線,好一個不負責任既"負責"人,你做電腦紀錄時我又係呢度做番個電腦紀錄lor.
如果您喜歡這篇文章，請按「讚」或分享給您的朋友，以示鼓勵。
