重量級小寶自稱27歲仍是處女之身唔出奇，但勢估唔到在《老表》又索又瘦，飾演小茜的鬼妹陳明恩（Corinna），今年30歲竟同樣是處女。自小是虔誠基督徒的她，即使多年不乏追求者，但她一直抗拒婚前性行為，結果令唔少追求者打退堂鼓。「如果男友要我做，我會同佢講結婚先搞得，我好proud of我仲係處女。」陳明恩今年更會自資五位數字出廣東碟闖樂壇，誓搶其他處女飯碗。
06年，陳明恩在演藝學院修畢音樂劇舞後，便投身樂壇。不過其後唱片公司倒閉，出碟夢碎。直至最近她再與「Iaganack」唱片公司合作，自資出廣東碟，處女作〈異種〉亦在周二（22日）正式派台。日前，她便帶同新碟上新城電台阿Bob的節目宣傳。「我一直有喺商場唱歌，亦都做過和音，雖然我今年30歲，有好多人覺得起步遲，但識唱廣東話嘅鬼妹唔多，我覺得值得博吓！」
親自派歌~本周二（22日），陳明恩新歌派台。她親身到新城電台向DJ Bob派歌。Bob大讚她唱高音好掂，是可造之材
正過香香~鬼妹陳明恩廣東話正宗，好過半唐番苟姑娘同香香公主多多聲。
祖藍填詞~陳明恩第一首派台作品〈異種〉，由王祖藍填詞，新碟將於年中推出
讀家教課程在港出生的陳明恩，幼時在慈雲山邨的信生幼稚園就讀。7歲時，她以家教形式上課，即在家由母親教授知識，未有讀過中小學。直至20歲，她才修讀香港演藝學院的音樂劇舞。
貞潔戒指~陳明恩大方展示手中的貞潔戒指，了寓意將處子之身留給將來的老公
大派親朋~70年代打扮的陳明恩，派新碟俾肥妹小寶。原來小寶一早聽過〈異種〉，還表示初次聽時，估不到是明恩唱。
鬼妹奇事多
陳明恩新西蘭籍父親和澳洲籍母親早年來港傳教，雖然父母是純外國人血統，但在港出世的她，幼稚園時由於入讀屋邨幼稚園，造就其一口流利廣東話。訪問當天，她便自爆因識聽廣東話，而遇過不少激氣事。「試過搭地鐵，有對後生仔女由頭望到我落腳，笑我個樣怪，我兜口兜面同佢哋講『多謝晒！』嚇到佢哋即刻跳落車。去茶餐廳，冇侍應敢走埋嚟同我落單，我舉手叫佢哋落order，佢哋都擰歪面當睇唔到，到我出聲講『唔該』，佢哋先識得走埋嚟。」
戴貞潔戒指
以為鬼妹性開放，但陳明恩卻極抗拒婚前性行為。「其實依家計埋有10個人追我，有港人有鬼佬，不過我鍾意由朋友開始，了解咗先拍拖啦。暫時都未有男仔打動到我呀，所以直至呢一刻我都未拍過拖。阿爸阿媽又冇催我結婚，想搵啱先拍拖。我有暗戀過港人，但冇主動去追佢，男仔鍾意啲女仔含蓄㗎，我都係享受被人追多啲。（即係你都係處女？）hehe，我都係處女嚟㗎，我好proud of呢樣嘢。我手上呢隻戒指係貞潔戒指，想留低性呢樣嘢俾我將來嘅老公，結婚先搞啦。（你反對婚前性行為？）係呀，我跟硬耶穌！」
客串劇集~拍《老表，你好嘢！》前，陳明恩亦客串過台慶劇《名媛望族》，與劉松仁、石修等前輩合作，獲益良多
崇拜憶蓮~在香港演藝學院讀書時，陳明恩曾兼任林憶蓮演唱會的和音，她更讚林憶蓮沒有架子兼肯教後輩。此外她08年亦與蘇永康在紅館合唱過〈來日方長〉。
