黎耀祥主演嘅《神探高倫布》今晚首播，噚日喺新蒲崗舉行宣傳活動，出席演員有祥仔、蕭正楠、敖嘉年、唐詩詠、馬賽同陳明恩（鬼妹）等，佢哋除咗玩有關神探嘅遊戲外，祥仔仲演繹一幕喺劇中因腦部中槍，而令智商急升到283變身神探嘅一幕，祥仔都好期待觀眾嘅反應。
敖嘉年與鬼妹有激烈咀戲，仲傳出有人鹹豬手喎！
「feel唔到任何嘢」
呢套劇有張劇照，見到嘉年同鬼妹咀嘴，嘉年隻手似乎摸到鬼妹胸邊，不過鬼妹話：「冇摸到，當時拍呢場戲，我好緊張，但佢好專業、好尊重，畀到我安全感。事前我哋有溝通，佢知我係新演員拍呢啲唔習慣，所以問我介唔介意，呢個係我螢幕初吻。」問到有沒有NG？佢話：「拍咗兩、三次，唔係NG，係拍唔同角度。」
嘉年知道呢個係鬼妹螢幕初吻，即刻話要封番利是畀佢。講到佢被懷疑鹹豬手？嘉年話：「冇摸到，feel唔到任何嘢，可能係角度問題。」
至於蕭正楠早前被影到同緋聞女友何傲芝去沙田馬場，佢解釋係捧朋友場，但仍否認同何傲芝嘅戀情。
《神探高倫布》劇照祥仔飾演神探，被兩女爭奪。
唐詩詠身穿旗袍拎起槍，相當wild。
from:
http://hk.apple.nextmedia.com/entertainment/art/20130408/18220248
