現今歌手青黃不接，難怪今年紅館騷以資深歌手當道，剛巧2、3月就有4位前輩女歌手開騷，包括朱咪咪、甄妮、關淑怡（Shirley）和葉德嫻，咪咪姐除貴飛外，其他票價都賣得七七八八，票房竟撼低巨肺甄妮和Shirley！
【今日我至醒】一向以搞笑形象出位嘅朱咪咪，今年2月喺紅館開騷，估唔到佢咁醒，票房竟然撼贏同期開騷嘅唱家班女歌手。
港、台歌手今年排隊上紅館，2、3月有四位資深女歌手開騷，包括2月的關淑怡、朱咪咪、甄妮及3月的葉德嫻，記者前日視察票房，已公開發售的演唱會，2月有朱咪咪、甄妮和關淑怡，3月則有葉德嫻。若以個人實力計，朱咪咪於2月舉行兩場演唱會，除貴飛未爆外，＄180已沽清，首場中價飛只剩單丁位，銷情甚佳；相反，巨肺甄妮的3場騷，除頭場＄480餘單丁位外，其他票價都未爆，之前甄妮為宣傳演唱會狂插G.E.M.目中無人，看來對銷情幫助不大！至於早前在facebook留言想自殺的Shirley，兩場演唱會暫時各類票價的均未有滿；而葉德嫻剛宣佈3月開騷售票，故亦未爆滿。
咪咪姐個唱門票賣得七七八八，撼低只有一場$480幾乎滿的甄妮和完全未爆的關淑怡，葉德嫻就因剛開售未爆滿。
開騷𠱁人開心
擅長搞笑的咪咪姐，竟片低以唱功稱霸的甄妮和Shirley，她昨日接受電話訪問說：「係咩？真係多謝，𠵱家市道唔係太好，有咁成績好開心，我冇諗輸贏，我呢啲搞笑，觀眾口味好難講，香港生活太苦悶，又緊張又有壓力，開騷都係想𠱁人開心，甄妮都賣得唔錯，我資歷唔夠佢咁深。」對於撼低埋Shirley，咪咪姐說：「關淑怡開騷咩？我唔知噃，冇買報紙睇，希望繼續努力，仲有幾個禮拜。」
From:
http://hk.apple.nextmedia.com/entertainment/art/20130116/18135399
