甄妮自責對後輩太嚴

甄妮昨日在九龍灣為即將舉行的「世紀情歌世紀情巨星演唱會」綵排，最近甄妮的姨甥兼台灣歌手李立崴及亡夫傅聲的胞兄張亮聲相繼輕生，大受打擊的她昨戴上墨鏡，穿上姨甥的恤衫表現哀傷，她嘆氣道：「呢排撞到好多嘢，自己屋企（姨甥）有白事，怕相沖，但都有送花牌同打電話去慰問（張亮聲家人）。雖然好傷心，但冇辦法，this is life！」她直言要堅強面對，她說：「我哋要向前看，佢哋𠵱家可能去咗個更舒服嘅地方。」

不過，甄妮亦有感自己有時對後輩太嚴厲，她說：「我當初反對佢（李立崴）入行，佢做補習老師桃李滿門，點解要求人播自己歌、求人畀你上電視？後來佢乜都唔敢同我講，估計當日佢飲咗酒，情緒唔好，正如哥哥咁，一剎那諗唔開冇得返轉頭，所以要學識放手。」
from:http://hk.apple.nextmedia ... 130812/18374382

殿堂級歌手甄妮為達成多年好友夢想，專程返港為「世紀情歌世紀情巨星演唱會」擔任特別嘉賓。雖然短期內甄妮無意再開個人演唱會，但對於主辦商有意打造她和歐陽菲菲做「女版左麟右李」，甄妮亦持開放態度說：「等吓啦！」

甄妮坦言不會為錢胡亂接工作。

於七、八十年代以多首經典金曲紅遍中港台的歌手歐陽菲菲、潘美辰、潘越雲、萬芳、黃安、林淑容、羅時豐及周治平，將於本周五及周六在紅館舉行「世紀情歌世紀情巨星演唱會」，甄妮更以「特別情商」身份參與演出。早前曾表示不會再做大型騷的甄妮肯再踏舞台，原來是為圓好友夢想。她說：「呢次搞手係我大學學長兼好友夏哥，佢一直好想喺香港搞演唱會，咪幫佢圓夢囉。雖然屋企發生咗白事，但應承咗朋友，就要一言九鼎，要有專業精神。」

陣容鼎盛吸引參與
甄妮坦言肯參與演唱會的另一原因是陣容鼎盛，她謂：「我好鍾意聽佢哋啲歌，我喺呢行咁耐，竟然未同佢哋合作過，覺得自己好『背』，幾大都要同佢哋影張合照留念，做個小Fans先。」問甄妮是否最想與歐陽菲菲合作？她謂：「我冇問題，我好願意o架！」提到主辦商丘亞葵想撮合二人做「女版左麟右李」，甄妮笑言：「但係我啱啱先開完演唱會喎！（等你囉。）係啦，等吓啦，等吓啦。」

歐陽菲菲唱功了得，甄妮亦心動與她合作。

演唱會陣容鼎盛，亦是甄妮參與的原因之一。

「左麟右李」演唱會大受歡迎。

林淑容、羅時豐
承認麻煩為求安心
甄妮承認因家中有喪事推掉不少工作，包括為電視台出任歌唱比賽評判，不過她未感可惜，更謂：「呢類節目唔覺太多咩？人人都去做評判，使乜搵我？（有天價酬勞？）唔係你畀銀紙我就做，我揀嘢都揀得好謹慎，好麻煩o架。」甄妮又稱當年參與電視台的頒獎禮、紅白大賽，都熟悉每位歌手，感覺很好玩，但現在很多人不認識，對方又不會介紹自己。她說：「點溝通呀？企喺度感覺唔好，個廠又冰，人又冷冰冰！所以電視台叫我都問清楚有咩人，可能咁啲人覺得我麻煩，其實我只想安心。」
from:http://orientaldaily.on.c ... /00282_025.html