英皇歌手林欣彤自去年中突然喉嚨生繭搞到失聲兼停工後，前晚終於在《十大勁歌頒獎禮》上首度開腔獻唱，對於有傳她在養病期間曾患上抑鬱及厭食症，她一再澄清絕無此事，並自揭只患過情緒病，期間更一度失去食慾，導致體重跌至80多磅！
Mag情緒逐漸好轉，唱功亦已回復七成。
英皇歌手林欣彤（Mag）去年中因喉嚨生繭而被迫停工休息，在休養期間，Mag被屢傳患上抑鬱及厭食症，導致體重暴跌。休息近四個月，大病初愈的Mag前晚在《十大勁歌金曲頒獎典禮》上獻唱，自覺表現麻麻的她大呻：「今次係我患病後第一次公開演唱，所以之前緊張到有啲胃痛，把聲感覺上只係回復咗七成，唱唔到以前咁好。」
感謝鴻鈞廷鏗鼓勵
談到Mag被傳患上抑鬱及厭食症，她澄清自己只患過情緒病，她說：「本身唔打算嚟，但係胡鴻鈞同許廷鏗鼓勵咗我好多，幫我打咗強心針，休息咗咁耐個人冇乜信心。自己依家瘦到得番80幾磅，我冇患上厭食症，只係有情緒病要睇醫生，依家康復中。」她又自揭養病期間曾隔絕外界及收埋自己，因此希望以自己為例子，證明患情緒病並不可怕。
左二起：Mag多得廷鏗、鴻鈞鼓勵她走出心理谷底。
Mag在《勁歌》中與G.E.M.傾得眉飛色舞。
另外，問到患上情緒病是否與感情有關？Mag就否認說：「係工作以外嘅原因，康復緊o架喇。」又問到患病期間可有自殘身體？她說：「只係做咗啲唔愛惜自己嘅事，好在身邊有人愛惜我，我唔會再咁做。（如何自殘？）其實自己只係冇動力同唔想食嘢，呢個情況都維持咗好耐。」
From:
http://orientaldaily.on.cc/cnt/e ...0115/00282_031.html
