暴瘦龔嘉欣焗吸麻甩二手煙

最近龔嘉欣同拍拖兩年幾鄧健泓分手，但男方被拍與港姐張嘉兒同車，而龔嘉欣又傳出與許家傑撻，總之各有緋聞。

雖然龔嘉欣之前舉晒三隻手指發誓自己冇第三者，不過佢冇話自己冇三、五、七打追者喎。早前好姨中環撞到嘉欣去set頭，離開時見佢不停講電話，仲邊講邊笑，原來佢急召一名男性朋友接佢，似乎桃花運真係唔錯。



不過瘦到得排骨嘉欣上架黑色私家車後，男性朋友仲車上面狂抽煙，令佢焗住要吸二手煙，認真唔健康。其實龔嘉欣咁靚女又咁後生，大把仔追都好正常，不過如果佢要為身體健康想，呢個男性朋友都可以換埋喇。