由太空回歸地球發展的G.E.M.（鄧紫棋），早前宣布九月於紅館舉行兩場演唱會，最貴的VIP票價高達$1,980，完全當正自己是國際級歌手。
距離演唱會尚有三個月，早前國際漿孖住愈愛愈高調的男友Mark Ngai於銅鑼灣citysuper上糧，預備玩煮飯仔，對外企硬國際級規格待遇，極度大牌的G.E.M.，對住男友就自動轉channel，紆尊降貴變小鳥依人mode，主動幫手拎遮，兼兜口兜面食二手煙都冇怨言，何謂愛的表現，國際漿真人示範！
心形眼
戴住cap帽同口罩的G.E.M.同男友Mark（即係JW的前度）在銅鑼灣時代廣場出現，兩人從連卡佛的後門等待七人車，由於正值放工時間，人來人往，兩人刻意保持距離，怕被途人發現，但國際漿周不時忍唔住心形眼偷望男友。
過了一陣子都不見七人車的蹤影，煙癮起的Mark自動彈開，躲到旁邊的凹位準備「打邊爐」，國際漿貼心地主動提出幫男友拎遮，然後便九秒九彈開避二手煙。因為坐駕等極都未見蹤影，扯住煙的Mark主動撩女友吹水，G.E.M.忍唔住愈行愈埋，一啖駁一啖，大口扯的Mark，兜口兜面將二手煙噴向女友，G.E.M.不單止照單全收無詐型，還放下戒心，主動捉實Mark卿卿我我，眼見男友等得不耐煩，還自動波打俾司機追問，照顧周到。
男友等車等到無晒表情，G.E.M.出招摸面呵番，阿Mark即刻笑番。
等車期間，G.E.M.不時心形眼偷望男友。
G.E.M.同扯住煙的Mark於銅鑼灣街頭卿卿我我。
G.E.M.好服侍，主動幫男友拎遮。
「佢做嘢同拍拖完全兩個人，以前細個仲會有小姐脾氣，而家知道自己要搵個人肯同佢拍拖唔容易，連啲小姐脾氣都收埋，今次佢好小鳥依人，成日都主動take care阿Mark，但係拍得耐會唔會現真性情就唔知喇！」G.E.M.的身邊人透露。
等足廿分鐘都未見車影，Mark等到扁晒嘴，國際漿當街摸男友臉龐，搏對方一笑，呢一招果然work，男友當場甜笑，火氣全消，夾啱時間七人車駛到，二人極速跳車離開。
早前鍾舒漫開生日party，G.E.M.帶埋Mark Ngai孖公仔出席。
4月同Mark Ngai東京十指緊扣斷正，G.E.M.才勉強承認正在蜜運中。
Mark同JW拍拖期間，不時相約G.E.M.郊遊耍樂。
長年登台走埠的G.E.M.，彩排演唱會晒一字馬完全無難度。
為了9月個唱，G.E.M.請來林欣彤拍片唱K當宣傳。多次想自殺
香港站演唱會尚有三個月先開鑼，但G.E.M.已積極蒲頭為演唱會宣傳。日前G.E.M.孖住網絡紅人波子試玩近期大熱的測謊機，其間主持人問G.E.M.有冇諗過自殺，當事人借機真情剖白，指過去幾年負評如潮，不只一次萌生這個念頭，「我好多次（想自殺）添呀……我冇真係去做，大家要點樣先至可以去相信一個人呢？然後我就喺度諗，係咪要我寫晒遺書，講俾大家聽先至會信我呢？」G.E.M.說。
G.E.M.坦言信仰令自己尋回快樂，但與前度的恩怨似乎發揮不了緩和的作用，早前林宥嘉來港開演唱會，即使做老襯在即，但傳媒難免重提他與G.E.M.的一段情，問到兩人是否再見亦是朋友，林宥嘉刻意避談，估你唔到兩人事隔多時依然有牙齒印！
10年林宥嘉來港會G.E.M.斷正，同記者發生爭執。
同G.E.M.未完全撇清關係，林宥嘉即搭上丁文琪，兩人上月底於台北補辦婚宴。
9月紅館開演唱會的G.E.M.，VIP演唱會門票價格高達$1,980，被歌迷大鬧太貴，難以負擔。
本月初G.E.M.於網上接受訪問自爆曾有多次自殺念頭。離地G.E.M.
自14年參加湖南衞視《我是歌手2》火速爆紅後，鄧紫棋（G.E.M.）經常被人鬧囂張、臭檔兼耍大牌，恃住人紅，不時爆出離地行為。
自傳全線仆直
年僅二十五歲的G.E.M.年初拍自傳電影《一路逆風》，更揚言期望內地票房破億，可惜劣評如潮，G.E.M.被網民狂插未夠人生經歷就出自傳，最終票房不如理想，只有約三百萬人仔。
硬闖上台
今年二月，Dragon and Music Festival，請來美國組合Black Eyed Peas壓軸出場，睇騷的G.E.M.卻未經主辦單位同意下，突然現身台邊，騎劫舞台兼搶咪與Black Eyed Peas合唱，有傳工作人員曾阻止出場兼拒絕遞咪，引起觀眾連環噓爆，更有人大叫「落台啦！」，認真尷尬。
改歌得罪湖南台
15年，本來出席一手捧紅她的節目《我是歌手》，節目向來翻唱舊歌，G.E.M.卻恃人紅耍大牌強行要唱新歌，導演洪濤即表示「不換歌就換人」，狠飛G.E.M.出局，亦遭電視台封殺。
撰文：娛樂組
攝影、攝錄：余一駱
對住男友變貼地G.E.M.俾二手煙兜面噴
