上星期三（十二日），謝婷婷同男友安志杰情侶檔為十對新人公開證婚，公開認拍拖已經超過三年，打風唔甩，活動上，二人攬腰互望，比任何一對新郎新娘都痴纏。
男友公開早有求婚準備，婷婷雖然繼續大耍太極話唔急，不過，有二五話佢兩個已經plan好拉埋大計，仲話安志杰已經同女友進行減磅一段日子，為影婚紗相做好準備。
但婷婷唔肯認好事近，仲話自己減肥係因為早排要拍廣告，想上鏡瘦啲。點都好，婷婷都滿咗三張，係時候快啲生番幾個，等唔係成日見到Lucas同Quintus嘅拉姑，有多幾個外孫玩吓，補番數！
減定磅做新郎，安志杰已經瘦到兩邊面削晒。孖咇做證婚，婷婷同男友公開恩愛，二人笑容，甜到似自己辦喜事一樣。
撰文：八珍
