謝婷婷與安志杰的四年情已逝，各有各為事業衝刺，不過有傳索爆的婷婷已經另結混血新歡，混血男在婷婷的工作地點等收工，兩人更密會五小時。婷婷與呂良偉昨日在柴灣宣傳佛教電影《釋迦牟尼佛傳》時，解釋混血男只是契女的爸爸，至於舊愛安志杰，婷婷雖然指大家都好忙，但似乎仍然默默關心舊愛。
謝婷婷不忘為安志杰（小圖）新片宣傳，似乎仍心繫舊愛。謝婷婷與呂良偉昨日到nowTV宣傳佛教電影《釋迦牟尼佛傳》。
為舊愛谷戲
問到婷婷與混血男的緋聞，她說：「佢係契女嘅daddy，嗰日做完嘢join埋，我哋十幾年前喺加拿大已經識，上個月佢邀請我做佢囡囡個契媽。」至於與安志杰有否聯絡，婷婷說：「大家都好忙，佢好似好多演出，最近《激戰》都好勁。」言談間，不忘為舊愛的新片宣傳，表現大方。
呂良偉已經是第四次飾演佛門高人的角色。
婷婷為《釋》片會獻出第一次古裝，她說：「我自己都幾鍾意，仲有個光頭look，我冇剃頭用頭套，用電腦執到我個頭好圓，出嚟都幾靚，加埋面上貼咗好多水晶，不過次次都要花三個鐘化妝。」片中，她飾演釋迦牟尼老婆耶輸陀羅公主，婷婷話：「我戲中仲有個BB，其實同BB拍嘢幾難，好彩自己鍾意小朋友，又有湊過Lucas佢哋。」
至於呂良偉則飾演釋迦牟尼，他表示已先後扮演四次佛教高人：「拍嗰陣，我會齋戒同埋搵佛陀加持，都keep咗個幾月。」
from:
http://hk.apple.nextmedia ... 130814/18377385
