安志杰上月底宣佈與謝婷婷的四年情告終，婷婷因遺失回鄉證而未能在本月中到上海的活動交代事件，回復單身的她前晚首度亮相，穿低胸裙在灣仔會展出席BMW新車發佈會，狀態不錯，惟提起舊愛安志杰即低頭及眼泛淚光，謂還在適應，曾為分手喊。
問分手原因？婷婷說：「拍咗4年，對呢份感情認真，好辛苦先作出決定，和平分手，有共識，𠵱家要一個人靜吓，心情混亂。」對安志杰以「好多事情都對不起」來認錯，婷婷說：「吓？係好大嘅改變，唔想大家有任何猜疑，唔關第三者事，唔關拍唔拍《一代宗師》事，唔為工作嗌交，有嘅係為襯衫先會。」
謝婷婷自宣佈分手後前晚首次出席公開活動，表面狀態不錯，但講到舊愛就眼泛淚光。安志杰與婷婷拍拖4年，婷婷形容分手是艱難的決定。資料圖片
需要時間冷靜
傳婷婷與新歡同遊菲律賓，她澄清獨自去調理心靈，未接受新戀情。追問分手原因？她說：「兩個人咁耐有好多原因，識佢到𠵱家，佢拍戲多過我，唔係嫌棄佢唔上進，唔係因結婚問題。」不知會否復合，可有挽救感情？她說：「呢啲唔係話放開就放開。」之前沒有取消關注安志杰的微博，現在已取消，婷婷點頭承認睇到（微博）會心痛，她說：「仲好關心佢，但人要向前看。」問她是否還愛安志杰？她說：「Yes,of course！大家睇我長大，佢係我最長嘅關係。」婷婷又表示二人同居已久，難以收起一起買的東西，不會搬離昔日愛巢。安志杰可有找她復合？她猶豫後說少聯絡，大家性格似，要時間冷靜。父母見她與胞兄霆鋒都分手收場而不開心，但分手不影響霆鋒與安志杰的友情。問婷婷可有叫霆鋒介紹男友？她笑說霆鋒反而想她介紹女性。
from:
http://hk.apple.nextmedia ... 130629/18315896
