安志杰與謝婷婷的四年情玩完後，昨日凌晨安志杰在油麻地拍攝荷李活電影《Cyber》，其間他呆坐路邊，悶悶不樂等埋位，並沒加入湯唯與王力宏演員堆中傾偈。放消夜後，安志杰跟助手在街上吹水煲煙玩手機，一副心事重重的樣子，似乎仍未平復失戀傷痛。
安志杰等埋位時獨坐一旁，悶爆玩手機。安志杰（右）與助手煲煙吹水，沒埋演員堆。
由於日前婷婷出席活動時坦言仍愛前度，究竟二人可有復合機會？安志杰經理人李小姐昨回覆本報：「佢（安志杰）話過去咗就過去咗，大家各有各忙，展開新生活，佢已經擺低咗感情，𠵱家寄望拍好呢部戲。雖然角色唔重，但一個月前已經好緊張，因為佢好欣賞導演米高曼，好開心可以合作，為咗專心拍呢部戲，仲推晒其他工作。」
from:
http://hk.apple.nextmedia.com/entertainment/art/20130701/18317842
