魔童王維基早排吹雞，叫晒全台藝員出嚟造勢。為表堅貞，扭親隻腳嘅林文龍，就算坐住輪椅都仆去，誠意分爆燈！
老婆，我係咪好爸爸呢？（設計對白）
直頭100分啦！（設計對白）
林文龍咁緊張，媽咪姐好理解，事關一入香港電視，佢拍親劇都做第一男主角，換轉喺無綫，怕且唔使諗。加上唔少人覺得佢同老婆郭可盈係女尊男卑，家陣有得發圍，仲唔踩行turbo咩！
除咗拍劇𢱑銀，原來林文龍仲兼顧埋湊女同家務。好似前幾日，媽咪姐晨早八點幾，見到佢揸車送囡囡返學，喺門口足足等咗四粒鐘再接埋放學。湊完女，佢仲自動波去超市買餸，至於郭可盈究竟去咗邊？原來去咗shopping！所以話，老公未必一定要揀個大富大貴，搵個錫自己嘅，一樣可以好幸福！
帶環保袋買餸
去超市買餸時，林文龍自備購物袋載食物，相當環保。
郭可盈少奶濕平
老公的起心肝揹起成頭家，一身鬆晒嘅郭可盈，就落置地行街high tea，享受少奶奶生活。
