今年九月，因不甘被唱片公司好友出賣，加上事業陷入低潮再遭網友誣衊，在facebook公開尋死的關淑怡，失蹤十日終於睇通睇透，決定積極做人。為重拾天后地位，四十六歲關淑怡的起心肝整牙、做facial執靚副「偈」，更重現埋藏已久的倒奶身材，戰鬥格返晒嚟！
一條低胸裙，34C逼爆而出，已為人母46歲的關淑怡，上圍比昔日出道時更豐滿，具睇頭。
禁相
原本關淑怡以露半球的性感相做個唱海報，但最後轉軚收回，呢輯變禁相，嘥晒！
之後唔係趕住搭船返屋企，而係走到銅鑼一間美容院做facial，執靚個樣。臨光顧前，仲喺報攤掃一堆時裝書做功課。廿年前~初出道時，關淑怡經常著小背心晒吓一副浮凸的身材。但點有料，都唔及今日咁勁！
半球禁相
經過「自殺」一役，關淑怡終於大徹大悟，十歲兒子做個好榜樣，摒棄消極態度，的起心肝重拾事業鬥心。上月拍板明年二月再開個唱外，再找來周慧敏經理人Marianne為重整事業鋪路。天后歸位，多年來被指行為神化、失場及借錢度日的種種傳聞，關淑怡逐一站出來為自己平反，連平日愛收埋的34C逼爆身材，也不介意在個唱海報上晒料。
個子的骰的關淑怡，初出道時經常著小背心盡顯玲瓏浮凸身材，但為人母後已全面封胸。直至早前為明年個唱影海報，穿起從英國運來的Vivienne Westwood晚裝，34C勁料上圍再次重現。
關淑怡cup數多年來有增無減，可惜這張半球肉照，被主辦單位認為過分性感，最後改用半裸露背相做海報，令關淑怡復活倒奶造型變成嘥料禁相。
重披戰衣的關淑怡相當積極，早前她跟個唱主辦人洪迪在酒店由下午傾到黃昏，手舞足蹈。
早前關淑怡為翻唱歌《陀飛輪》拍MV，經理人碌人情咭請來周汶錡客串，對方配合MV劇情喪喊，原本唔使喊嘅Shirley亦被感染，人生歷練夠，唔使一分鐘話喊就喊。個唱海報唔出倒奶look，最後只得白滑背脊俾大家睇。
趕走煙屎牙
開放事業線，關淑怡更揼本「維修」，尤其是伴隨多年的煙屎牙，另外亦頻頻到美容院做facial，由內在心態以至外表，重新整頓。
「佢棚壞牙唔係單單因為食煙，最主要原因係佢生完之後唔識好好補身，搞到有骨骼疏鬆後遺症，牙變壞。但佢一直無理，直至近日諗通咗，咪積極整好自己副『偈』。其實Shirley家境唔錯，不過做咗媽咪後，佢唔想要父母幫佢養埋個仔，所以努力做嘢，自己搵錢養仔。」知情
者說。
出身中上家庭的關淑怡，從來無憂米，但今日已為人母，不想父母幫她養兒，故理性地拼命工作。
今年9月，她在facebook留言想自殺，一度掀起恐慌，眾藝人朋友都留言相勸。
變搶手貨
上週三（十一月二十八日）下午，本刊發現關淑怡與個唱主辦單位之一的負責人洪迪，到銅鑼灣的酒店為個唱開會，其間見她傾得手舞足蹈，心情大好！談足三小時公事，向來屬「宅媽」的她，未有第一時間搭船返愉景灣湊仔，反而走去利園附近的高檔美容院做facial。
三個月前，跟金牌大風就三百萬簽兩年變五年的合約問題各持己見不歡而散，今日重披戰衣，翻唱陳奕迅金曲《陀飛輪》的關淑怡，狀態返晒嚟。近日發現有唱片鋪食住關淑怡復出人氣，將她在日本推出過的陳年唱片炒至七百多元出售，亦有指其個唱主辦單位之一的「太陽城」揸fit人黃栢高以及環球唱片，正積極拉攏關淑怡加盟，一再證明，天無絕人之路。
環球抽水
近日關淑怡復出，翻唱《陀飛輪》獲一致好評，環球（寶麗金前身）即推出她93年在日本出過的日語唱片，以限量版一千張作招徠售賣。
另外她出道初期，在日本推出過的陳年日語細碟，亦被唱片鋪當寶咁炒賣，一張碟要七百多元。85年Shirley在日本參加「Marin Blue」音樂節比賽奪冠，便被日本唱片公司Apllon睇中，做德永英明師妹，同時間港日兩邊發展。
