關淑怡前晚首度公開戀情，被與26歲北京嫩男主持李佳念攬着賀老友向雪懷。
關淑怡（Shirley）日前在Instagram爆鬧女助手不恭不敬，無禮當眾指罵她，二人隔空開火，前晚CASH頒獎禮女助手竟然繼續侍奉其右，而48歲的Shirley左邊則出現了新男友李佳念。1988年出生的李佳念（Jonathan），今年26歲是北京主持人，2006年在重慶大學美視電影學院畢業，目前主持衛視有關時裝和親子等節目。
CASH頒獎禮的焦點落在十指緊扣，冧爆拖嫩男到場的關淑怡身上。前晚向雪懷榮獲《CASH音樂成就大獎2014》，他廣邀歌手到場分享其音樂成就，徐小鳳、陳秋霞、譚詠麟、草蜢都是席上客，一班歌手到台上恭賀向雪懷其間，譚校長亦忍不住對Shirley說：「佢專登嚟㗎！聽講仲十指緊扣㖭！」Shirley聞言後甜笑，然後追打口痕友譚詠麟。
譚校長受訪時第一時間恭喜Shirley蜜運成功，他笑說：「恭喜佢，冇咁dry，有啲愛情滋潤係好事，不過我冇問真定假，我最初仲以為同台係其他藝人。」記者詳述Shirley和新歡十指緊扣矚目到場的經過時，譚校長抵死說：「導盲犬都要拖住啦！哈哈哈！等我求證寫信通知大家。」
阿倫得知關淑怡有新歡的消息，忍不住台上寸她「專登嚟㗎！」
關淑怡身邊有男友Jonathan，已經忘記日前跟助手的恩怨。
張敬軒第一次得到CASH金帆音樂獎最佳男歌手演繹殊榮。
張敬軒：好識食
張敬軒被問到契媽關淑怡有嫩男新歡，他竟然全不知情，他語帶羨慕說：「我仲以為係新同事㖭！哦！嗰個青靚白淨喎！好識食，好有taste，無論揀朋友，揀衫都係咁有taste。」
關淑怡和女助手開火是因為張敬軒演唱會，軒仔替契媽解畫：「佢冇嘢！過吓口癮，佢成日係微博同Instagram練筆，可能靈感到先寫，我情緒起伏仲大過佢，我同助手用另一個方式，都會互相親切問候吓，上一輩歌手對人對事要求高，不過佢冇鬧過我。」
採訪：馬建華
攝影：陳順禎
from:
http://hk.apple.nextmedia ... 141105/18923581
