【今日我至慘】沈震軒親自上陣俾火燒死，原來之前佢已經俾人劏肚死過一次，做奸角仲要死兩次，真係戥佢慘！
由王晶監製、羅仲謙、沈震軒及梁烈唯等主演的《古惑仔：江湖新秩序》前晚在觀塘拍攝煞科戲，大奸角坤沈震軒最終慘死收場，不過坤卻要死完又死，沈震軒先後拍攝劏肚及燒死的結局，連王晶也大讚他演出與吳鎮宇不分高下。
電影《古惑仔：江湖新秩序》前晚在觀塘小巷拍攝煞科戲，監製王晶、演員羅仲謙、沈震軒、梁烈唯等以古惑仔look現身，劇情是講述飾演大奸角坤的沈震軒慘被燒死，謙仔要親手點火，他自言如果是真實情況一定會感到恐怖及難受。
王晶在現場大讚沈震軒表現出色，他說：「佢做得唔會差過吳鎮宇，好大機會拍第二、三集，第二集會到台灣取景。」《古》片將於明年1月10日上映，到時王晶會打自己嗰套《大上海》，亦會對撼王家衛的《一代宗師》，王晶聞言即抵死說：「王家衛打得少咩？打咗幾十年，仲驚咩，話之佢，佢上映到先算。觀眾鍾意，唔理乜對手都得。」他又透露扮演十三妹的何韻詩演得入型入格，所以不排除會開拍一套十三妹外傳。
■王晶不介意與王家衛的《一代宗師》對撼，更笑言打咗幾十年了。
■梁烈唯（左）與羅仲謙在現場睇住沈震軒被燒死。
謙仔期待拍續集沈震軒得到王晶稱讚大感開心，更自爆在片中死完又死，他說：「之前已經拍咗第一個版本，係俾刀劏爆肚死，但今日收到通告要再拍多個版本，自己鍾意爆肚個版本。」沈震軒直言沒有欣賞過舊版，因為怕看過原版吳鎮宇的演出有影響，始終他演得好出位。
■羅仲謙率領一眾新版古惑仔前晚在現場拜神。
演陳浩南的謙仔拍完第一集後，已經期待拍攝第二集，他說：「希望拍多幾集，今集結局話我殺人之後着草去台灣，雖然今次有愛情戲但冇得攬女，以前部戲咁成功，自己都有壓力，希望大家畀機會。」梁烈唯就不擔心會比較，因為冇得驚亦冇得比，而且自己以前都超迷戀舊版《古惑仔》。
