■鄭秀文警告安仔若在紅館公然求婚，一定嬲爆！資料圖片
■鄭秀文甜蜜透露與安仔傾好婚事，但未落實時間表。
鄭秀文和男友許志安早前被發現甜蜜外遊，她前晚鬼馬否認預支蜜月，表示兩人一齊商量過婚事，也希望安仔私下求婚，警告勿在紅館公開求婚，否則嬲爆。至於婚禮形式不重要，愛與相伴才是基礎，「餓就一齊餓，食就一齊食」。
鄭秀文、Lisa S.、Ana R.、陳嘉容和內地女模宋姍姍等，前晚在中環出席珠寶活動。鄭秀文早前與許志安甜蜜去旅行，愛情滋潤下成功增磅有點圓潤，她甜笑說：「唔係呀，下廚啫，最近中餐、西餐都有煮。」她笑指安仔一向叫老鼠，不用做白老鼠試食，但安仔愛吃的牛脷，自己不識煮。
唔睇Big4只食飯提到與安仔預支蜜月，鄭秀文說：「都係一般性嘅旅行啦！」問安仔有否求婚，她即鬼馬眨眨眼，記者指她默認，她即嚇到說：「唔係呀，冇呀。」她更警告安仔勿在紅館求婚：「絕對唔好，搞啲咁嘢，我一定嬲到爆，有啲嘢要私下做。」她暗示安仔未私下求婚，至於真求婚，可會答應？她又鬼馬笑說：「煮到嚟先食啦，家爐都未買，一步步啦，上帝有佢嘅時間表。」落實婚事？她說：「默契是有，完全冇就呃你哋，大家會傾囉，但我唔鍾意台上公開講。」又謂：「張衞健，你唔好再亂噏，你哋啲飛已經賣得好好。」
鄭秀文笑指新年期間，未必捧Big4場，但會捱餓等安仔一齊吃飯：「餓就一齊餓，食就一齊食。」非常sweet？她即說：「有個伴啫！」但問到婚禮形式、規模等，她指全不重要：「婚姻基本係有愛。」
■（左起）Lisa S.、Ana R.、陳嘉容及內地名模宋姍姍一班高妹名模示範珠寶。
陳嘉容新歡有米此外，早前本報拍得陳嘉容與南亞裔新歡當街咀嘴，陳嘉容前晚承認對男伴有feel：「冇feel都唔出街，佢好好人，知我飲醉拖住我。」她指新歡是專業人士，有指男伴富貴住豪宅，她說：「我哋未正式拍拖，我想保護佢，豪宅呢啲係額外嘢，最緊要有心。」
