自寰宇主席林小明與前妻趙雪英的官司後，李彩華(Rain)便成為新聞人物，正當人人以為阿Rain仲喺杭州拍劇時，佢就喺上周六(27日)下午時分，同媽咪一齊返港。媽咪姐喺機場見到佢，好富貴呀!因為Rain拎住個手袋同啲喼都好鬼貴，兩母女之後就上咗架七人車返屋企。休息兩日後，本周二（30日）出席活動，同場仲有Jessica C.爆胸！不過，媽咪姐八到Rain呢次嘅酬勞好good吓，難怪佢俾人搶鏡都笑晒口。講到尾，搵錢最實際！
Rain推住兩個Rimora名牌喼出閘，而佢個Hermès袋就要成6位數字。但睇個喼花晒，就知佢經常出外拍劇，辛苦錢嚟。Rain出席完呢個cosplay活動，周五（2日）就會同趙雪英一齊去亞姐籌款晚宴，仲做埋表演嘉賓㖭。
