吳卓羲上月於海南島拍《衝上雲霄2》外景期間，鬧出泳池肉搏人妻35D梁靖琪（Toby），惹人非議。事後Toby雖獲老公力撐，但仍然逃不過被無綫高層照肺，父母鬧爆她不懂避忌。日前，《衝上2》在機場禁區內拍外景，至深宵時分，Toby仍猶似獵犬般全程戒備，與吳卓羲各坐一方，看似零交流，其實隔空互傳whatsapp，保持互溝。
高度戒備
水戰肉搏斷正後，吳卓羲和人妻梁靖琪人前變得非常避忌。上週日（十月二十一日）晚，兩人隨無綫外景組入機場禁區拍《衝上雲霄2》，由於已屆凌晨時分，人流稀疏，兩人等埋位時，與劇中跟吳卓羲有感情線的傅嘉莉，有傾有講。
不過，Toby一心幾用，高度戒備的她，兩眼不時四處搜尋，過了不久，發現有記者在場，她立時與吳卓羲保持距離，各據一方坐開，看似零交流。但兩人同時拿起手機，互相whatsapp，繼續互溝。
「上次單嘢爆咗出嚟，Toby老公詐晒型，早排仲喺曾志偉個仔嘅婚禮，俾樂易玲同佢阿媽芭姐（蕭笑鳴）一齊鬧，再唔避忌吓點得！」知情者說。
機場禁區外景當晚，劇組幾乎天光時分始收工，Toby以為記者已離開，戒備稍鬆，又不避嫌跟實吳卓羲一起離開，前功盡廢。
35D Toby「胸」戰厚腩吳卓羲，香艷場面轟動全城。
扮冇偈傾：Toby突然察覺有記者在場，即時擰歪面，與吳卓羲保持距離。有講有笑：拍攝初期，兩人有講有笑，完全沒有避嫌。
Toby全程唔敢再企埋吳卓羲身邊，更罕有地走埋其他女演員身邊講笑。臨近收工時，Toby戒備心鬆懈，拖喼走近舊相好吳卓羲，一起離開機場。
變相減戲
事實上，自《衝上2》開拍以來，由水戰事件，到張智霖公開投訴無綫PA唔掂，是非不斷。由於劇集卡士多，為求人人有戲份，變相令幾個孭飛主角，包括張智霖、吳鎮宇、胡杏兒等的戲份被cut，非常無癮。
例如在劇中暗戀吳卓羲的傅嘉莉（Kelly），即使不是無綫親生女，依然獲欽點加戲。「無綫花旦買少見少，雖然Kelly唔係簽無綫經理人約，不過高層覺得佢外形唔錯，特登加戲氹佢改簽經理人約。」知情者說。
早前傅嘉莉和吳卓羲在白浪拍外景，鏡頭前卿卿我我，鏡頭後吳卓羲即時彈開，保持距離。
傅嘉莉在《衝上2》雖屬閒角，但難得有戲加，上陣自然更加落力。《衝上雲霄2》卡士眾多，為求人人有戲做，結果搞到吳鎮宇、胡杏兒和張智霖也無辜辜被刪戲，嬲爆！
缺席台慶
此外，《衝上2》劇組於十一月初拉隊飛英國拍外景，以至無法出席今年十一月十九日舉行的台慶兼為六叔邵逸夫賀壽。
「每年台慶都係死期，全世界都知，《衝上2》冇理由book遲過十九日返嚟，但佢哋二十一日先飛返香港，搞到有高層唔高興，覺得有人喺度玩嘢！依家兩邊仲喺度拗緊，睇吓有冇辦法改早返。」知情者說。
早前吳鎮宇、陳法拉和張智霖中環拍外景，陳法拉尤如樹熊攬實張智霖，非常煙韌。同場尚有朱凱婷（右）和傅嘉莉，其中傅嘉莉跟吳卓羲有不少感情戲份。
