吳卓羲眼紅紅受訪，他表示不捨得爸爸。
吳卓羲父親吳振英上月中因胰臟癌病逝，享年72歲。吳父昨日在萬國殯儀館設靈，其間吳卓羲步出殯儀館接受訪問，見他兩眼通紅，受訪時亦不禁落淚，難掩哀傷。問到心情時，他說：「有心，好唔捨得，爸爸遺願係想我哋多啲返鄉下見親戚，好多親戚都喺中山。自己想拜祭爸爸方便啲，會安葬喺香港先，親友過嚟都好方便。」吳卓羲表示爸爸病發期間，他經常在內地拍劇，幸而爸爸離世時能在身邊陪伴，他又表示現必須多加照顧媽媽。
目前屬自由身的吳卓羲，昨日未見無綫派員採訪，只見樂易玲暨無綫藝員部送上花牌致意，他說：「近日搞喪事，其他都冇諗，唔傾住啦，公司知道我屋企有事，冇催逼我返去，跟進埋手頭上嘅事，就會再工作。」
採訪、攝影：卓寶花
from:
http://hk.apple.nextmedia ... 150717/19222052
