阮兆祥女友轟白色恐怖吳卓羲認被斟過檔

無線近年經常製作膠劇，又鍾意自我審查，促使台前幕後最近暗地裡「作反」。阮兆祥早前在棟篤笑騷明撐王維基開台，即觸動大台神經，傳祥仔為此被飛出《歡樂滿東華》演出。

「莫非得罪山姐」

祥仔雖然沒有直接承認「被罰」，但其女友Crystal卻看不過眼，近日連環在facebook炮轟大台搞白色恐怖，前日寫著：「特別報告，繼早前被指撐基基事件之後，大台白色恐怖立刻來臨，原定歡樂滿東華表演項目無故被抽起！莫非真的得罪咗《山》姐？請大家密切留意事態發展！」

祥仔女友Crystal替男友不值，在fb斥大台搞白色恐怖。資料圖片

昨日Crystal再發功，寫祥仔被飛出東華。

其實祥仔未被飛前，Crystal已早著先機說：「要小小小心山姐先好呀！」由於《東華》節目是由綜藝科揸弗人余詠珊負責，「山姐」之名呼之慾出。昨日Crystal又再貼出祥仔被飛出東華文章，並自己按讚，幸好祥仔未有被飛出新劇，昨日在微博貼出造型照。

有傳祥仔明年約滿無線後不再續約，也是明年約滿的吳卓羲，昨日與胡杏兒在將軍澳宣傳時，異口同聲表示有其他公司找自己，揚言仍未有決定。吳卓羲承認一直有中港公司斟過檔：「未決定，係朋友問起，當時仲有一年半載約，我話到時再傾啦。」被指冇獎令他心灰意冷？他說：「呢啲睇緣份，最重要角色同對手，錢都係其次。我亦認同林峰所講，每個人都係個體，冇人影響到自己決定。」同樣傳離開大台的胡杏兒則說：「想工作同生活攞個平衡，太辛苦會好快老。」

準新郎祖藍提起婚事講不停，揚言要做一日白馬王子。

祖藍唔驚照肺

至於有離心的王祖藍，主演及度橋的《老表，你好hea》多番揶揄台慶頒獎禮，他昨日在沙田出席活動說：「合約仲有一段時間，暫時冇咁諗，其實𠵱家耐唔耐都有北上（搵食），公司冇向我瞭解。」跟李亞男的婚期已定於明年2月14日，並依足亞男要求在迪士尼擺酒，祖藍說：「嗰度係我哋第一次約會地方，希望畀我做一日白馬王子。」婚後會先過二人世界，生仔要輔導。

採訪：嵐山、藍文浩
攝影：沈健程
from:http://hk.apple.nextmedia ... 141201/18953335

反串的祥仔扮甩衫走光，志雲即扮啜他胸前兩點福字。

【商台團拜】
商台DJ葛民輝、林海峰、森美、小儀與阮兆祥等昨日在商台進行團拜，商台主席俞琤和首席智囊陳志雲等出席，現場高層向傳媒派利是，DJ們則派糖。祥仔孖小儀扮武媚娘跳絲帶舞，裝胸祥仔不慎甩衫，露出胸前兩點福字，陳志雲搞笑走前作狀扮啜爆，祥仔說：「佢係志雲大師，鍾意乳暈嘅大師。」

昨日商台團拜，俞琤等人擊鼓震聲威。

鄧紫棋（G.E.M.）與商台不咬弦，記者向陳志雲提到G.E.M.，他反問：「邊個嚟㗎？」記者用普通話說出鄧紫棋，陳志雲揶揄：「同名同姓嘅人好多。」G.E.M.曾鬧爆商台，DJ謝茜嘉說：「佢唔止鬧我哋。」陳志雲也說：「嗌交要兩個人一齊嗌，我哋冇嘢，邊有嗌？」

採訪、攝影：馬建華
from:http://hk.apple.nextmedia ... 150228/19057503

阮兆祥為宣傳佢5月舉行嘅棟篤笑，最近頻頻拍惡搞片放上網，仲連天王黎明都俾佢抽水，早前黎明喺facebook貼一邊揸車一邊rap嘅短片，阮兆祥就跟足佢一開始狂yeah，然後話：「橫店揸棍波車，用棍嘅係棍波車，用腳踩嘅係踩波車！」

不過阮兆祥搞笑不忘講時事，rap埋香港人好關心嘅繁簡字問題同亞視不死嘅問題，都算係幾大膽。

撰文：馮仁昭

馮仁昭
from:http://hk.apple.nextmedia ... 160315/19529285