梁靖琪(Toby)一向係圈中玩得之人，有傳佢因為當年同吳卓羲喺泳池戲水，而導致Toby同有米老公黃敏豪(Aaron)離婚收場，拍拖一年閃婚，婚姻就維持咗3年，dry咗一排嘅Toby，昨日有周刊爆佢原來有新男友，早前仲約埋同好友唐詩詠食飯。
據報道稱Toby自從離婚之後，甚少去蒲，多咗去做運動，更同相識多年嘅陳基燊拍拖，Toby男友係designer，由於二人成日一齊做運動先擦出愛火，早前Toby更考埋健身教練牌，男友都好支持，Toby早前已搞緊婚姻統籌生意多年，現在仲想投資搞健身，認真有生意頭腦，Toby現時已經冇咁任性，亦多咗黐家，有指Toby家人見個女唔同晒，都覺得係現任男友，令佢有咁大改變，所以都好接受陳基燊，而Toby好友知道佢哋拍拖都覺得好突然。
《蘋果》問過Toby，父母係唔係好鍾意新男友？Toby就話：「感情唔回應，只係同唐詩穎慶祝生日，o依家開心。」講到傳佢同男友合資開健身院？佢解釋：「我同朋友合資，要延至下年先開，因為接咗《無間道》網劇，工作較忙，因為o依家市道唔好。」
from:
http://hk.apple.nextmedia ... 160609/19646684
