經歷離婚之痛嘅梁靖琪（Toby），同前夫黃敏豪年半情告終，飽歷情傷之痛嘅Toby，瘦咗兩個碼，身形清減唔少，隨後Toby的起心肝節食操肌，話為咗新片演打女，目標要減到100磅，兼要練出馬甲線。
最近Toby好勤力咁節食又做gym，仲將運動照上載到微博分享成果，不過Toby瘦身之餘，就連原有的35D豐胸，都縮水連跌兩Cup，得番33B咋，之前有啲相，見到Toby變咗平胸女，真係女人之苦。不過消失咗幾日嘅「大奶奶」，噚日又重見天日喎，雖然Toby上圍比起最豐滿時期，仍然係有落差，但噚日睇佢張運動照，身形又勝在夠平均，總算自信返埋嚟。
Toby狂做運動減肥，Yumi就相反狂食增肥。皆因今個月17號係佢男友Avis嘅32歲生日，佢哋選擇去泰國二人世界，旅行期間Yumi仲不斷放相上微博，直擊甜蜜情況，而且張張相都谷胸谷到衡，包括有床照、大頭自拍寫真、胸壓Avis兼手翹手等等。之後Yumi仲留言：「四天的泰國旅行今天就結束了，很捨不得，每天都是吃泰國菜，我胖了2kg，內衣都變緊了，最後去了按摩有部份按胸部真的有點害羞！回到香港要減肥今天就回香港啦。」又食又玩，甜蜜度春宵，心廣體胖好難避免囉﹗
From:
http://hk.apple.nextmedia ... 140520/18726382
