上個禮拜五晚（二十六日）有女性雜誌搞咗個頒獎禮，曾經合作過電影《戀之風景》以及《親密》嘅鄭伊健林嘉欣都有到場。
林嘉欣呢個踢腳姣樣，真係百年難得一見，之後個頭愈挨愈埋，連伊健都O嘴！
以前林嘉欣出席公開場合，懶cool懶性格，而家做咗人媽咪，加上見到老友鄭伊健，360度改變，二人合照伊健都未行到埋身邊，林嘉欣已經伸晒手，預備繑住對方。
名草有主嘅伊健早前公告明年迎娶女友蒙嘉慧，林嘉欣毫無感覺唔避忌，之後同劉天蘭傾偈，仲大半個人挨落對方身上。男女都咁熱情，確少見！八珍聽聞林嘉欣想搵戲拍，對人nice啲，乜都易話為啲囉！
