《今日我至燈》
陳豪同陳茵媺拍拖就拍拖啦，前晚硬係要帶埋盞燈麥長青嚟，結果一個遮面、一個揮手、一個戇居居。
《九龍城》
呢排好多圈中情侶好事近，未結婚嘅就俾人催婚，陳豪（Mo）同陳茵媺（Aimee）呢對都唔例外，不過佢哋拍咗拖冇耐，仲想享受吓甜蜜嘅拍拖生活先。前晚八點幾，佢哋就拍拖去九龍城南角道打邊爐，但同行仲有Aimee契哥麥長青、Aimee嘅經理人同埋陳敏之做電燈膽。
駕女友車當晚約11點幾，敏之食飽先鬆人，仲買咗外買拎上車。之後到凌晨12點幾，阿Mo、Aimee等人都食完，阿Mo好熟手咁開Aimee架車做司機，臨走仲同Aimee嘅經理人擁抱，跟住就同女友返深井碧堤半島愛巢，順路車埋飲到面紅紅嘅麥長青，當記者影相時，Aimee都大方揮手，反而阿Mo怕怕哋醜用手遮住塊面。
