秋官同官晶華嘅23歲大女鄭詠恩（Winnie），三年前因為同男朋友仔嘅慾照流出，搞到阿媽一怒之下將佢放逐英國讀書。眨下眼，Winnie已經喺英國讀完設計回港，早前媽咪姐就喺銅鑼灣撞到佢同幾個朋友仔去咖啡店嘆下午茶。
雖然所費無多，不過呢班後生仔都傾得好開心，尤其兩名男仔都好鍾意黐住Winnie影相，證明當日低胸短褲嘅佢真係電力十足。女朋友咁旺桃花，Winnie新男友Adrian就真係有得震冇得瞓嘞！
敍會當日有三女二男，話題離不開讀書生活。當中以Winnie最有異性緣，西裝男次次都黐住佢影相。
茶敍完，Winnie仲幫金髮外籍友人做街頭訪問，Winnie呢位老友認真唔話得
嘩，阿女乜妳咁本事㗎！（設計對白）
