周柏豪透露唱片公司已為薛凱琪搞餞別宴。
周柏豪昨日出席「暗中作樂2012」活動，在場內摸黑行動，體驗失明人士的生活。自爆有幽閉恐懼症的柏豪，坦言曾想過縮沙：「我知有記者，所以頂硬上。」他指在黑暗中過馬路、買咖啡是好好的體驗，問他有否在黑暗中識女仔？他說：「冇喎！」
柏豪表示已辦妥婆婆的喪禮：「做得好好睇睇，會放我幫婆婆影嘅開心相，唔想喊咁多。」有指他為圓婆婆心願，早前已註冊結婚，柏豪以離奇理由解釋說：「梗唔係我，我細個都識個周柏豪，又係住將軍澳又係攝影師，不過今次結婚都唔係佢，即係將軍澳有三個周柏豪！」
