喺電視台捱咗好多年嘅沈震軒，終於捱出頭啦，事關佢俾肥監製Wilson睇中，有份擔正就快上映嘅情慾片《喜愛夜蒲2》，孖實娜姐男友Avis齊齊做大滾友，同國產Baby劉羽琦啜爆兼打野戰。有傳拍戲期間，打出真感情，激到正印JJ賈曉晨要分手。
孤獨無伴，一臉愁爆嘅沈震軒，全程望住部手機，完全食不下嚥咁款。唉，早知今日，何必當初呢！
上個禮拜，媽咪姐見到沈生孤伶伶咁喺TVB Canteen食飯，仲要成餐飯都一臉愁容、手機不離手，係咁Whatsapp，睇畫面都知佢仲未掂JJ啦。
沈震軒同國產星劉羽琦因拍《喜》拍出真火撻着，辣㷫真命女友JJ賈曉晨。JJ嗌分手，仲將沈降呢為普通同事。
哼，偷食唔識抹嘴！睬你都傻。（設計對白）
