江若琳頭痛眼痛近兩星期，前晚終於入院求醫，結果被診斷出眼角膜嚴重受損，即時被公司勒令停工48小時休養，據知她的情況刻不容緩，若不休息大有機會變失明歌手！
江若琳前晚如常出席《3 GALAXY Night》派對，受訪時並無異樣，但原來她已感到頭痛及眼痛，派對完結後即往求醫，據知是眼角膜嚴重受損，需休息兩天，否則有機會雙目失明！不過她昨晨又繼續開工，離開診所後到錄音室工作，傍晚再去診所檢查。離開時，她對於被揭發患病一事感到驚訝，更坦言擔心變盲：「梗係驚！不過唔想推遲工作影響到人哋！要滴藥控制！」
至於前晚在派對上被問到前緋聞男友吳卓羲接張馨予返家一事，她說：「佢冇幫我搬行李，拍戲時佢對我好，間中聯絡，同佢係好兄弟！佢唔係我杯茶。我發誓同佢冇可能，佢唔差但大家都冇過電。」
江若琳眼角膜嚴重受損，被公司勒令停工休養。
楊汀叮遺失手機
此外，熊黛林師妹楊汀叮前晚穿Tube Dress露事業線出席派對，她透露上周遺失手提電話：「希望執到我個電話嘅人可以畀番我，有薄酬！」至於電話裏有何秘密？她說：「冇，得同朋友嘅合照，冇性感相又冇親密相，全部都見得人嘅！唔會洩漏啲朋友嘅電話號碼，我有晒代號同暱稱嘅！」
許穎與HotCha盛裝出席派對。
http://the-sun.on.cc/cnt/ ... /00470_050.html
