食量大卻身形纖瘦的江若琳，消脂原來全靠騎馬，早年拍戲曾被馬踢傷瞓足醫院3日，她決心克服對騎馬的恐懼，去年向71歲的李家鼎拜師學騎馬，一年間密集式上了63堂，成功做到人馬合一。
江若琳的愛駒是10歲冠軍馬「勁快」，她日前在元朗學騎馬，先踱步、慢跑熱身，跟著鼎爺發號施令：「挺胸，趷籮，去。」江若琳策騎勁快成功跳到1米伸展欄，鼎爺表示這個成績往往要苦練4年。
跳欄發生意外
江若琳曾試過墮馬，幸有驚無險，她說：「馬場突然有裝修聲，嚇親隻馬，墮過馬我學識平衡。」江若琳日前練習騎馬跳欄又發生意外，差點令「勁快」受傷：「我手、腳同腰冇畀到勁快清晰指示，佢想跳時，我掹咗佢一下，勁快就跪喺地，佢有機會掉我落嚟，不過佢好錫我，怕扽親我，慢慢起身，等我坐好，攞番平衡，嗰刻我想喊。」那次意外令江若琳更珍惜「勁快」。
【拖馬踱步】
江若琳與李家鼎先拖馬匹出馬房慢慢作好準備。
【慢跑熱身】
學了一年騎馬的江若琳，看來已十分純熟。
準備參加比賽
騎馬騎上癮的江若琳準備將來繼承鼎爺衣鉢，她感激鼎爺指導：「我嫌佢唔夠嚴，佢會將百分百心機教曬畀我。」鼎爺風雨不改出動為江若琳操馬，她承諾：「我唔可以丟佢架。」更打算9月會報名參加小型騎術比賽攞經驗。江若琳指騎馬運動量大，騎馬前後至少減幾磅，有助塑身成S身形索女。江若琳表示男友曹雲金也會騎馬，她笑言：「希望將來有一日，我同佢喺草原策馬奔騰。」
採訪：楊定
場地：國際騎術中心
錫錫愛駒勁快，江若琳稱勁快也很愛錫她。
江若琳表示騎馬運動量大有助消脂。
from:
http://hk.apple.nextmedia ... 160702/19678012
