與舊愛莫少聰育有一子莫鎬廉（現改名張浩鋒）的洪欣，對於舊愛因涉吸毒令她和囝囝亦受牽連，囝囝更慘被同學取笑，洪欣昨日提及此事時一度哽咽說：「囝囝一返學校其他啲同學仔就走嚟笑佢，我都好唔開心，唔想影響囝囝，但呢個係事實，唔可以怪任何人，不過佢好堅強，冇喊。原本我同先生一直都想佢遲啲先知，但返到學校就好難避免，我一路都希望囝囝喺正常健康嘅家庭長大，好彩囝囝本身係樂觀性格，我同先生都好關心、緊張佢，佢好乖，好懂事，我想件事快啲過咗去。」
父子從未見面
洪欣表示已十年沒有與莫少聰聯絡，至於是否會幫助莫少聰，她即說：「佢都冇搵過我幫忙，而且我都冇能力去幫佢，佢身邊有咁多朋友，佢大把朋友可以幫啦，都唔需要搵我。」當提到會否讓囝囝見莫少聰時，洪欣即決絕地說：「呢十年都冇呢樣嘢發生過，我唔會去諗呢樣嘢，呢啲係冇發生嘅事，諗係多餘。」
from:
http://hk.apple.nextmedia ... art_id=15222472
