洪欣一家三口買餸揀酒

1^# 大中小 young 發表於 2014-10-13 10:07 發短消息

相關主題: 洪欣

今年2月為丈夫張丹峰誕下女兒的洪欣，日前傍晚6時許兩公婆恩愛於銅鑼灣逛超市，只見洪欣已成功回覆昔日纖瘦身形，她和丈夫不停揀酒，兩人更站在推銷專櫃前聽推銷員講解，張丹峰恩愛地搭著老婆膊頭，未幾現年13歲多的囝囝張浩鋒前來會合，發育期的浩鋒快高長大，身高已超越媽咪，加上相貌清秀，絕對是標準美少年。一家三口齊齊揀餸，浩鋒乖巧地幫媽媽拿著一盒戰利品，離開時洪欣師奶仔上身，拿著單據狂check。

洪欣與夫張丹峰及子浩鋒（後）齊齊在超市掃貨。
from:http://orientaldaily.on.c ... /00282_019.html

廷伸閱讀/相關主題推介:

相關主題:洪欣

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-10-18 13:55 發短消息

洪欣夫妻超市試食

洪欣今年2月為老公張丹峰誕下女兒張晞彤，不過昨日夫婦現身銅鑼灣行超市時，卻未有帶同囡囡同行，期間張丹峰對超市內的試飲試食產品相當有興趣，見他不時拿上手食不停，在旁的洪欣亦頻頻給予意見。

洪欣與老公張丹峰在超市掃貨。

未幾洪欣的兒子張浩鋒急急腳前來與她會合，穿上校服的他甫與媽咪見面即傾不停，一家三口之後繼續在超市有商有量地掃貨。

洪欣囝囝（左）急急腳會合母親和張丹峰。
from:http://orientaldaily.on.c ... /00282_044.html

TOP

3^# 大中小 young 發表於 2014-12-19 17:04 發短消息

洪欣搵囝囝陪買餸

洪欣和囝囝行超級市場，今年14歲的張浩鋒已經高過媽咪。

現年44歲的洪欣前日素顏在銅鑼灣行超級市場，她與莫少聰所生的14歲兒子張浩鋒亦有陪媽咪同行。當日大約下午4時，洪欣和穿校服、揹着書包的囝囝一起逛超級市場，最初囝囝都有陪着她四圍行，但行行吓可能覺得悶，便獨個兒在超市內周圍逛，洪欣則繼續在凍櫃揀菜同肉，似為晚餐做準備，直至埋單才與囝囝在收銀櫃枱會合，離開時洪欣囝囝發現記者影相後即九秒九彈開，洪欣則大方任影。

採訪、攝影：梁繼光
from:http://hk.apple.nextmedia ... 141219/18973753

TOP

4^# 大中小 young 發表於 2015-1-13 11:19 發短消息

洪欣一家四口襲超市

洪欣一家四口昨在中環ifc的city'super濕平。

不少藝人都喜歡到高檔的超級市場購物，童愛玲跟洪欣一家昨日都先後幫襯同一家連鎖超市。洪欣一家4口於昨日下午5時左右在中環ifc的city'super現身，他們在店內買了兩袋日用品及食物後，由洪欣負責找數，老公就孭着細女跟大兒子殿後。在店外他們一家又對熟食檔的食物很有興趣，最後買了一盒熟食離開，臨走前還友善的向門外的記者揮手示好。

另外，下午4時許素顏的童愛玲現身銅鑼灣時代廣場的city'super，她以快閃的速度買了一包麵包後，再到店內看凍肉及蔬菜，她要除下墨鏡才能看清楚，敲槌後火速付錢離開，前後不用10分鐘。

採訪、攝影：畢紹基、梁繼光
from:http://hk.apple.nextmedia ... 150106/18992495

TOP

5^# 大中小 young 發表於 2015-2-17 13:07 發短消息

洪欣一家三口逛ifc

四十四歲嘅洪欣二○○九年同內地演員張丹峰結婚後一直都好恩愛，舊年洪欣仲生咗囡囡張晞彤。噚日五點幾，洪欣帶埋囡囡同老公一齊行ifc，張丹峰更做湊仔公孭住囡囡，其間兩公婆去咗一間咖啡機專賣店睇咖啡機，店員沖咗杯咖啡畀張丹峰試味嗰時，洪欣就發揮師奶精神，嗱嗱聲攞買嘢嘅單據去兌換停車場免費泊車優惠，最後張丹峰都冇買到，一家三口一齊走咗。

撰文：馮仁昭
from:http://hk.apple.nextmedia ... 150213/19039740

TOP

6^# 大中小 young 發表於 2015-4-10 15:37 發短消息

洪欣偕子東京賞櫻老公「喊爆」

去年2月為老公張丹峰誕下囡囡張晞彤，近日趁復活節假期，就撇低老公及囡囡，只係同大仔張鎬濂去日本東京賞櫻，兩母子喺東京玩得幾開心，張鎬濂除咗品嚐美食外，仲有打太鼓，認真Happy，洪欣表示：「第一次和兒子兩個人自己去旅行，他選擇了東京，因為…」

張丹峰就話：「可惜我去不了，櫻花很美。」仲擺咗兩個流淚表情圖案。好友蔡少芬及陳法蓉都叫洪欣兩母子玩得開心啲，同埋要買手信返嚟﹗
from:http://hk.apple.nextmedia ... 150407/19103747

TOP

7^# 大中小 young 發表於 2015-5-18 13:58 發短消息

三代同堂圍住

【囡囡賣萌】

洪欣日前三代同堂出街食飯，B女𠱁到婆婆同哥哥都好開心。DV圖片

【銅鑼灣】已經44歲嘅洪欣自從同細佢11年嘅老公張丹峰結婚之後，生活過得低調，專心留港湊住一對仔女，老公就返內地開工賺錢。日前洪欣不忘做個孝順女，同媽咪出街食飯。

【素顏示人】

素顏嘅洪欣有啲黑眼圈，不過都見得吓人。DV圖片

【扶實婆婆】

浩鋒見媽咪抱住個妹，佢就好乖仔咁扶住行動有啲不便嘅婆婆慢慢行。DV圖片
浩鋒扶住婆婆行

日前晚上8點幾，洪欣抱住1歲2個月大嘅囡囡張晞彤（Yannes），帶住媽咪同約15歲大嘅囝囝張浩鋒現身銅鑼灣利舞臺廣場，估計佢哋一行四人啱啱食完晚飯，準備離開行去附近停車場攞車。素顏嘅洪欣束起馬尾，雖然有啲黑眼圈，但仍然見得吓人，而身穿校服嘅浩鋒已經好高大，高過媽咪，沿途不停撩妹妹玩。

至於Yannes眼仔睩睩兼皮膚白滑，真係生得好cute，有晒靚媽洪欣嘅遺傳。而婆婆因為行動有啲唔方便，浩鋒亦好乖咁一手拎住外賣盒飯，另一隻手就扶住婆婆過馬路。

去到停車場等電梯嘅時候，浩鋒又忍唔住再𠱁妹妹笑，睇得出哥哥好錫呢個同母異父嘅妹妹，而洪母見到外孫女笑得咁開心，又一齊𠱁佢笑，場面好溫馨！但唔知係咪囡囡扭身扭得太勁，反令洪欣有啲唔耐煩。落到停車場，洪欣先安頓咗媽咪坐前排位置，而浩鋒就坐後排照顧妹妹，不過Yannes似乎對外面世界好好奇，不停望出窗外面，浩鋒就顧住篤電話。

採訪、攝影：徐錦池
from:http://hk.apple.nextmedia ... 150512/19143992

TOP