現年40歲嘅陳豪去年被拍拖六年嘅廖碧兒狠撇，廖碧兒火速搭上李澤楷表弟林忠豪，慘受情傷嘅陳豪即時成為超級筍盤，近日更傳出佢同無綫上位姐仔陳茵媺撻着，兩人出席公開活動時更互讚。
近日廖碧兒暗示陳茵媺係第三者，更寸爆陳豪由失戀男突變開心男，不過陳豪就懶理舊愛，並專注喺新歡上。為保護呢段萌芽中嘅愛情，陳豪索性行外母政策，本月16號生日嘅陳豪因為要去牙買加拍特輯，所以就冇留港慶祝，但據讀者報料話，陳豪實際趁今次牙買加之行，上星期尾搭飛機先到多倫多Richmond Hill見陳茵媺屋企人，爭取印象分，加上噚日有消息話陳茵媺近日獲《法證先鋒III》嘅拍檔蕭正楠獻殷勤，為免女友被撬走，陳豪就安排住喺澳洲嘅媽咪返香港同未來新抱見面。
上個禮拜三陳豪就被發現同媽咪享天倫，似乎陳媽媽見完陳茵媺都好放心喎，相信呢杯新抱茶好快飲得。
from:
http://hk.apple.nextmedia ... art_id=15183597
