林保怡6月約滿無綫，最近有指無綫一線藝人怨聲載道紛紛有離意，林保怡一於好少理，繼續吊高來賣，昨日他在電視城錄影《新派煮意》時，表示剛跟樂易玲、梁家樹飯敍，其間二人不停推介工作給他，他說：「梁家樹叫我5月開新劇《樂府藏龍》，樂小姐又邀請我開《健康奇案》第二輯，我都有興趣，家考慮緊。」
只求好角色
講到不少小生花旦呻無綫刻薄又辛苦，紛紛離巢北上搵大錢，林保怡說：「咁多怨氣？不過做演員食得鹹魚抵得渴，明知辛苦可以唔簽唔拍，公司對我真係好有誠意，咁我都好老實同公司講，大中華地區有好多人聯絡我，我最大要求都係要自由度大，同埋可以揀劇本。」會否要求加薪？他說：「加得幾多？我只想要好角色好劇本。」
from:
http://hk.apple.nextmedia.com/te ...462&art_id=15151231
